Prowerb 7:5 - Nobonob Baibel

⁵ Doyak dabmak ena ele, amu diignu doyak tutukku ele aa hepeɗ, na ah ewau pakkua gappai hette ele ii oimya; na ah nug gamu uuitta, eheɗ oiyaya, nug na ele niiglahnu nai ittag ele maditte amu, na nug ele ii oimya.

Prowerb 7:5 ပူးပေါင်းရင်းမြစ်များ

Prowerb 2:16

Doyak dabmak ena ele am ehanitteb, na ah ewau pakkua gappai hette amu, na nug ele kobol nau amu ii hemaya. Ao, doyak dabmak ena ele am ehanitteb, na danab laa wau nug hambuppua, na ele niiglahnu nai ittag, ubuhi ele amenppa madikku amu, na nuhig nai dim lamidna, kobol eheɗ amu ii hemana.

Prowerb 22:14

Ah gamu uuitta danab laa ele oittep amu, nuhig nai am moɗ laa umanab noa ukkak bia; aun nug heeb, Yawe oppoɗi beeb, nug amuppa nokku.

Prowerb 5:20

O bekkal, na ah ewau pakkua gappai hette amu, na nug eppegppa aib nome. Ao, na aib danab laa wau ele niipiɗ.

Prowerb 5:3

Aɗinu? Am ah ewau pakkua gappai hette amu, nug nuhig nai mattiak am ee ubuhinab ele, lanaknu enanag bia daatte; amuppa nug danab hambuppuidtte. Ao, ah amunu nai am goɗen enanag, amubia daatte; amuppa nug danab eeɗtte.

Prowerb 6:24

Na anin, da ele, ihinih nai imuam na ah nug mauhnoak danab laa ele niitteb, na nug ele niimyanu doyak medatte. Ao, nai imuam na ehanitteb, ah ewau pakkua gappai hette amu, na nuhig nai ittag ele ii doomnanu doyak medatte.

Prowerb 7:21

Ah gamu uuitte, danab laa ele oittep ele nug dabmak eeɗak nai amu mattie, danab bau doyak dabmak ena ele iitta nug ah amu ele eheɗ hekkulahnu dim lamittom. Ao, ah nug danab amu nuhig nai ittag ele, nug amuppa nug oo eeɗom.

Prowerb 7:4

Na doyak dabmak ena elenu, “Na da appinal,” aon a! Ao, na diignu doyak tutukku amunu amu, na, “Da nug ele i tiinih laippu,” aon a!

Prowerb 7:6

Da amu attemnu diig am, deɗ laa da laulnu gililppa ulah ibuppa ukke, neekki ukke,