Prowerb 7:22 - Nobonob Baibel

²² Ah amu nug nid bau amu amegppa anam mattie, pahanab nid amu nug ah amu dim lamittom. Nug dim lamittom, amu makau okkai ebehi ele mameg nug omale, qe mauhak abenppa tette, amubia nid amu nug makau okkai ebehi ele hette bia heum. Ao, nid bau nug heum amu, doɗ dia nug pelemppa tette, nug amubia heum.

Prowerb 7:22 ပူးပေါင်းရင်းမြစ်များ

Job 13:27

Na da bael senppa qagattem. Na hanhan da adeppa adeppa gokkulnu hei, na neekkiɗna daattem. Na da laih gopanu, aben nakok laippuppa daakkulnu, na wanppa at laa mee, da aben amuppaib daakkulnunab daattem.

Aposel 16:24

Maniguittak gumak danab nug nai ɠagattag amu doyowa, nug maate, maniguittak ooppanab, aɗ nakok laappa noeh, adppa baelti qakkom.

Aposel 14:13

Amu kayak hambuppuak Susnu mettid lag am aab okkai daugppa heeg dayom. Amu lag amunu mana mettak danab nug makau dawai diiatta amu bala muɗippa giattak ele diiatta, aab okkai amunu aɗ odppa uɗie, nug danab ah ele ag doɗ main Pol, Barnabas ele mataglagnu heppig.

Jeremaia 20:2

nug he, ag Jeremaia, nug propet amu, ag nug eheɗ makkuɗnana, ag aon gona, Yawenu mettid lagnu aɗnu od laa onig Benyaminnu Od Attan, ag aben amuppa ag nug eppeg, baeg ele ad mahappa qagappig.

Prowerb 6:32

Anam aakku yab danab nuhigppa bette, amge danab nug ewau pakkua he laa wau ele gappai hettep amu, nug epeɗia ha dabmak ena awak kobol ii dootte ele; nug nukka nug ha, nug padal mette.

Prowerb 7:21

Ah gamu uuitte, danab laa ele oittep ele nug dabmak eeɗak nai amu mattie, danab bau doyak dabmak ena ele iitta nug ah amu ele eheɗ hekkulahnu dim lamittom. Ao, ah nug danab amu nuhig nai ittag ele, nug amuppa nug oo eeɗom.

Prowerb 7:23

Dia nug pelemppa tette amu, pelem mameg nug latppa qe mauhtte. Ao, ai laa nug uhuippa no amu, uhui mameg nug qe mauhtte. Amubia nid bau amu, nug doyak dabmak ena ele iitta, nug hette, nug amuppa mauhkku, amge nug amu ii dabmette.