Prowerb 7:16 - Nobonob Baibel

¹⁶ Da linen lamen kaala iɗu iɗu ele, Isip heppig amu, da amu niiak aben dahilppa duqadmi daatteb.

Prowerb 7:16 ပူးပေါင်းရင်းမြစ်များ

1 King 10:28

Hos Solomon diiom ele amu, nug Isipnu, Kuenu ele diiom. Kue appanu King Solomonnu keeke laihnu awa dadennu mak danab ag hos men doɗo ganeppa awaknu ɗo dayom bia, ag hos daden amuppa aodppig.

Prowerb 31:22

Nug nuhig niiak aben tonaknu lamen hatta; nug linen perpel, amu linen hakkab ele awa, amuppa nug nuhig lamen ha tagatte.

Prowerb 7:15

Amunu da na anidkkulnu gumitten domi. Ao, da na anidkkulnu mattitten, da aakku anidmi!

Solomonnu Ahi 1:16

O danab dahil, na dahilnu oot mauhtte ele, na am dahil danab iɗun tuqak ele. Ge, da neekki ukke anittette, da na danab iɗun tuqakib anidttem. Niiak aben ihinih am atu ooppa, aben laappa wan etetuab enaib, aben enanagnab, laa wanppa niiaya, wan gai-iitta, anam dootte amu, niiak aben ihinih anambia daatte.

Aisaia 19:9

Danab ag keeke laa onig plaks aon, linen muɗi hetteb ele, ag uug naunab doon, “Ig ib iitta, attem hekkunig,” akkulag. Ge! Danab ag muɗi linen aon, linen lamen hakkab agatteb ele, ag uug okkainab doon, ag ele, “Ig ib iitta, attem hekkunig,” akkulag.

Esekiel 27:7

Ag hewona, ag linen lamen hakkab, Isip appa hena, kobol kobol koitak ele amu, ag lamen amu aon, ag nahip ulah awak lamen heppig; nahip pilak ele lamen amuppa dayom. Danab ah aam aqamanu lamen attan duqappig amu, laa am lamen ed, aria laa am perpel. Lamen amuam Elisa appa heppig.

Revelesen 2:22

Anam amunu, da geha nug oɗe, guittak ele okkai nug medakkul. Aria, danab ag nug ele ewau pakkua gappai hak kobol heppig ele amu, ag ele oolag ii eɗueb, ewau pakkua gappai hak kobol ii dimedappeg amu, ag ele oɗe guittak okkainab ele madakkul.