Prowerb 7:1 - Nobonob Baibel

¹ Da bekkal, na dahil nai dim lamitte! Ao, na dahil haknunab nai imu nahip dabmakppa meppe dayaɗ!

Prowerb 7:1 ပူးပေါင်းရင်းမြစ်များ

Job 22:22

Na daut human, ippunittak nai Nug oɗeppanu awe! Ge, na nuhig nai doon, dabmakppa me!

Prowerb 1:8

O bekkal, na mamen da, na dahil tolittak nai doye! Ao, na anin toppan ippunittak ena aome amu, na amu aib uume.

Prowerb 10:14

Danab ag doyak dabmak ena ele, ag doyak ena tuɗidna aon, qagmetteb; amge danab ag Kayak dab-ii-mena ii dim lamidna oinna, nai maditteb, ag amu padal mekkulagnu aakku daatteb.

Prowerb 3:1

O da bekkal, da aɗi na ippunidttem amu, na aib daut atiom. Ao, na daut atimanu amu, na dahil haknunab nai, nahip dabmakppa meppe dayebeb oiye!

Prowerb 4:21

Keeke da na amenppa madittem ele imu, am na heppe, nahip-ppa dayaɗ! Ao, na ootppa mena, aɗan oiye!

Prowerb 5:5

Ah amu nug mauhak ibuppa aakku daatte. Ao, ah amu, nug ippu am moɗ agappanab gotte.

Prowerb 6:20

O da bekkal, da na mamen, da na amenppa haknunab imu attem amu, na dim lamitte; aib tippalme! Ao, na anin doyak ippunittom amu, na aib uume!

Prowerb 6:35

Ah gamu nug kobol nau amunu daden nob ii aoma. Na daden nob tak gane mekkut amu, amuppa ele na nuhig dabmak elele medakkutnu am elele iitta.

Luk 11:28

Amge Jesus Nug aum. “Anam iitta! Danab ag Kayak nai doon dim lamidtteb ele, ag itittak ena aoppig daatteb,” awa aum.

Luk 8:15

Amge ee aeg wan enappa nena qeppig ele, nai amu inam ippunigtte. Danab laa ag nai doon, ag aona oolagppa meeg, tutukku oolagppa ena dayeye, ag ɠagattag daanna meu otteb,” awa aum.

Jon 14:23

Judas laa amu nug anam a, Jesus Nug aum. “Danab laa nug dahilnu oo mauhak dootte dayeb, nug dahil nai ele dim lamidkku. Aria, danab amunu amu da Mamel Nug nuhignu oo mauhkku. Amu da Nug ele, i nuhigppa nepuɗ, ig oh laippu, danab ewam lag laippuppa daatteb, amubia haen oh daagnig.

Jon 15:20

Nai da ag amelagppa ami ele amu daulagppa doaɗ! Nai amuam inam. ‘Maɗi nid nug okkai nuhig ii eɗidtte.’ Amu aun aɗi laa ag da eheɗ heiɗppig amu, ag ag ele eheɗ hattaglag. Aun laa ag dahil nai dim lamidppig ele amu, ag am ahilag nai ele dim lamidkkulag.

Duteronomi 11:28

Amu ag nai haknunab anak Yawe, ahilag Kayak, Nug toppanu uɗitte amu, ag nai amu dim ii lamidna, ag kayak hambuppuak, ag kayak amu gemu ii doyadtteb, ag kayak amu noolagppa dup nona binalag mekkulag dayeb amu, Yawe Nug itittak nau madakku.

Revelesen 1:3

Danab aun aɗi ag Kayaknu nai, keeke dimppa bekkunu imu ebqena dim lamidtteb, o aun aɗi ag nai imu daulagppa doona dim lamidtteb ele amu, ag itittak ena aoppig daatteb. Aɗinu? Haen Kayak Nug heeb, keeke oh buk imuppa yaak daatteb, ag bekkulag am miag doum daatte.

Revelesen 22:9

amge nug da amelppa aum. “Na anam aib heme! Da am Kayaknu maɗi nid, na, na laipad propet danab, amu aun laa oh ag buk imuppanu nai dim lamidtteb ele, ag nuhig maɗi nid daatteb, amubia. Na Kayak aakkuib Nug noobppa dup nona binag me!” awa aum.