Prowerb 6:1 - Nobonob Baibel

¹ O da bekkal, na nahip mudippan laa nug lon awewe, na nug lon aokkunu nahip keeke lonnu onig awak daakkunu nahip nai ɠagattag qettan mattime dayeb, ge, danab laa nug lon awewe, dimppa nug eɗua lon mameg men doɗo amu medakkunu elele iitta daakku dayeb, na medakkutnu genab hekkutnu mattime dayeb,

Prowerb 6:1 ပူးပေါင်းရင်းမြစ်များ

Genesis 43:9

Da dakka, da nid amu nug gumappi gokkunig. Uug imu amu, am na noomppa dahil daakku. Da eheɗ hein amu, da nob maokkul. Da nid amu awe eɗuen ii uɗien medappi, da na noomppa hanhan beɗulppa aab ele daakkul.

Job 17:3

O Kayak, da uhuqak awen, hamu gokkulnu keeke aɗi medakkulnu dabmettem amu, na amu meɗappe, da eɗuen medakkulnu oɗ medattem; na amu ii hekkut dayeb am, auntai laa ehaniɗa meɗakku?

Prowerb 11:15

Aun laa nug laa ehanitta, keeke lonnu onig awak daatte, nug amu mette amu, nug am genab guittak aokku; amge aun laa nug amu genab hekkunu ii maditte amu, nug eheɗ ii aoma.

Prowerb 17:18

Danab nug epeɗia ha dabmak ena awak kobol ii dootte ele, nug mudippan laa lon aotte, nug layag elele iitta daakku dayeb, nug lon amu eɗua daden mekkunu, nug genab haknu maditte. Ge, nug layag lon aotte ele, nug layag elele iitta daakku dayeb, nug layagnu lon daden mekkunu nuhig nai ɠagattag qeta maditte.

Prowerb 20:16

Danab laa na nug ii doottem ele, nug nahip-ppanu lon aokkunu heebeb, danab laa na doottem, nug lon amunu keeke lonnu onig awak daatte mekkunu ab amu, nug danab na ii doottemnu hette amunu, na nuhig en laa aon aɗappe, lon mameg lon eɗua daden meeb, eɗun mette! Ao, laa nug ib baag ahnu amu hekkunu heebeb, na nuhig keeke lonnu onig awak daakkunu awe!

Prowerb 22:26

Na laa lon aokkunu heebeb, nug ehanidkkutnu genab haknu mattiak aib heme. Ge, na nahip keeke lonnu onig awak daakkunu mekkutnu aib ame.

Prowerb 27:13

Danab laa na nug ii doottem ele, nug nahipnu lon aokkunu heebeb, danab laa na doottem, nug lon amunu keeke lonnu onig awak daatte mekkunu ab amu, nug danab na ii doottemnu hette amunu, na nuhig en laa aon aɗappe, lon mameg lon eɗua daden meeb, eɗun mette! Ao, laa nug ib baag ahnu amu hekkunu heebeb, na nuhig keeke lonnu onig awak daakkunu awe!

Prowerb 6:2

na nahip mattiakppa doɗ pelemppa teum daatte bia daattem dayeb, ge, na nahip naippa, ai nug uhuippa noum daatte bia daattem dayeb,

Aisaia 2:6

⌊O Yawe,⌋ na nahipad danab ah, ag Jakop buɗub amu, na ag uuadna dimattame. Aɗinu? Nahipad danab ah ag danab ah aam bedeppanu dilag dabmak hambuppuak aoeg, ahilagppa ambeum. Ao, danab ah nahipad ag Pilistia danab ah dilag eman hak kobol aon, ag amu hetteb. Ag danab ah Yawe ii dim lamidtteb ele laippu oinna hetteb.

Hibru 7:22

Kayak Nug Jesus mana mettak danab daakkunu, nuhig nai ɠagattag qetta aum, laa ag anukka mana mettak danab daappig, ahilagnu anam ii aum, diig amunu ig ⌊Jesusnu oonigppa genab doottem, ig dimppa nug tituana nai qakkak nai bau, ig nob ena aɗi aɗi aognignu atte amu, ig genab aognignu doottem.