Prowerb 5:16 - Nobonob Baibel

¹⁶ Le qepuɗia bak nahipnu le am hamu hamu ib digdigppa gokkaɗkku am enate? Ao, nahip le ugakka gotte ele am aab haɗap-ppa hamu gokkaɗkku am enate?

Prowerb 5:16 ပူးပေါင်းရင်းမြစ်များ

Genesis 24:60

Amu tatam ag Rebeka itidyaya apiɗ. “O lai ihinih, na buɗunad ag kuɗumnab bekkulagnu oonih daatte. Ao, na buɗunad ag kekeɗ ahilag ele tabappeg noob, ahilag keeke aoglagnu oonih daatte,” aoya apiɗ.

Sam 127:3

Antte! Danab bekkod ag am danab mameg aug medatte bia Yawe eppegppanu uɗitteb. Yo, bekkod amu ag am Yawe toppan keeke ena, nob iitta aakku.

Sam 128:3

Am grep ena laa, nug grep meu huana otte, amubia na geha nid naunau kuɗum menuadkkut. Ao, olip ad, ita huana betteb, amubia nid naunau kuɗum na lautppa daaglag.

Sam 68:26

Israel danab ah, ag oh Kayak humitteg! Yo, ag Israel buɗuppud, ag Yawe binag meig!

Prowerb 5:15

O bekkal, na laa dilag tenkppanu le aib aon lame. Nahip-ppanu aakkuib aon la! Ao, na laa dilag le moɗppanu le aib aon lame. Nahip-ppan aakkuib aon la!

Prowerb 5:17

Amubia, na waat ele, aa aya oiyeɗ! Na aib ah laa ele oippig.

Prowerb 5:18

Na dabmak imu aon, aɗan oiye! “Doɗ dia am doɗ neekkak nuhig enanag ele, danab anidtte am enanag dootte. Amubia ah dahil am ah iɗu tuqak, enanag, nug dahilnu oo mauhtte.” Na dabmak amu aon, aɗan oippeppe, nid yuɗ nug anig huh lanana, elele dootte, amubia na ah nahipnu eleleib dookkutnu ool daatte. Ge, ah nahip nug nahipnu oo mauhtte, diig amunu na nuhigib hanhan daan oikkutnu ool daatte. Na nug ele oiyya, nid menuglahnu ool daatte. Ao, na nahip ah, na nid bau daan aome amu, na nuhignu gamag ahak dookkutnu ool daatte.

Prowerb 9:17

Ag le yab aon lana amu, ag ubuhi ele dooglag. Ao, ag ee ahilag iitta aona, lokkumakppa lana amu, ag ubuhi enanag ele dooglag,” awa atte.

Solomonnu Ahi 4:12

O ah dahil, na dahil ah daakkutnu awidmi. Na dahilib, dad laa, dad amunu aɗnu od lok qak daye, dad mameg nuhigib daatte, na amubia daattem. Genab, na dahilib, le qeppuɗia bak laa daye, le mameg, nugib ita laakkunu elele amu, na amubia daattem. Ao, na dahilib, le moɗ laa, mameg aakkuib appanu le itaknu elele, na amubia daattem.

Solomonnu Ahi 4:15

Na dattanu le qeppuɗia bak bia daattem. Ge, na am le moɗ laa, deɗ laa ii qaɗaiedatte, amunu le Lebanon qaukoppanu nette, na anambia daattem.

Aisaia 48:21

⌊Ag gobeppeg, haen amuppa kobol digdig Yawe Nug Israel Isipnu diia ukke daappig bia daaglag. Yawe Nug Israel Isipnu diia ukkom, haen amuppa⌋ Nug omalatte, ag atu taɗakppa oippig, amge ag le baalag ii diiom. Nug he, le ahilagnu menppa neum. Ao, Nug he, men oppate, le huanaknab noa ukkom.

Duteronomi 33:28

Kayak Nug anam hette amunu, Israel ag baɗak iittappa daaglag. Jakop buɗub ag enaib daaglag. Ag geha wan, wain bau, ee ele kuɗum, ag wan amuppa daaglag. Ag baito lomppan ele aoglag.

Ikki Danab 12:9

Nug am bekkod 30, aɗekkud 30 ele. Nug aɗekkud diia, danab laihnu, nuhig aab ikki amuppan iitta, amu waalkad daaglanu mattom, amu nug ah aab ikki nuhig iitta, laihppan diia, bekkod waalkad daaglagnu mattom. Ibsan nug Israel dilag epeɗiak danab maɗ eblaih aɗit ele dayom.