Prowerb 4:2 - Nobonob Baibel

² Aɗinu? Keeke da ag amelagppa madittem imuam, tutukku, am genabnab. Ag aib dahil ippunittak uuppig.

Prowerb 4:2 ပူးပေါင်းရင်းမြစ်များ

1 Stori 28:9

Amu Solomon da bekkal, da na amenppa attem. Yawe Nug danab dilag dabmak unuqagppa daatte mattia anidtte, Nug danab nug diig aɗinunab keeke hette ele dootte amunu, na, na mamenad dilag Kayak, Nugib am Kayak dabmena doon, na meut ohppa, nahip dabmak ohppa ele Nug waappa daan, Nug oɗe dim lamitte! Na Yawe anidna dim lamidkkutnu Nug madikkut dayeb, Nug heeb, na Nug anidkkut. Amge na Nug dimettan, uuidkkut dayeb amu, Nug ele na geɗitteb, na anam daappe ukkeb, gogppa teeb batakkut.

2 Stori 7:19

Amge ag Israel, ag eɗun, ag dahil haknunab anak, amu ɗo dahil ele da ag mattami amu, ag ii dim lamidnana, aria ag kayak hambuppuak dim lamadnana, amu laa waalagppa maɗi nid daan, ahilag uɗat henana, ag ag noolagppa dup nona binalag mekkulag dayeb,

Job 11:4

Na Kayak amegppa attem. ‘Da nai madittem am tutukkuib, am kaliak laa iitta,’ attem. Ao, na, ‘Da nahip neekkakppa oolppa oppiak ele daattem,’ ana madittem.

Job 33:3

Da oolppa kaliak laa ii daatte, amu dahil nai amuppanu uɗitte. Ao, da aɗi keeke doottem amu, da amuam genabib doyeye, da oɗelppa nai madittem.

Sam 119:87

Amu genab ag da niɗaeg, da mauhkkulnu daami; amge da nahip oo yaak nai ɗo bia, da nai amu dim lamittaknu ii uumi.

Prowerb 3:1

O da bekkal, da aɗi na ippunidttem amu, na aib daut atiom. Ao, na daut atimanu amu, na dahil haknunab nai, nahip dabmakppa meppe dayebeb oiye!

Jeremaia 35:8

Nug anam aum amunu, ig Jonadap, nug am Rekap bekka, ig mamenig anukkanu, ig nug ɗo oh ig mekkom amu, ig ɗo amu oh dim lamidtata, gemu ele hettem. Ig, amu ig waankad, ig bekkankad, amu ig aɗenkad ele ig oh wain nakok laa ii lamut.

Duteronomi 32:2

Da aɗi madikkul ele imu am, gu nette, amubia dayaɗ! Yo, nai dahil, amuam baito nette bia dayaɗ! Genab, amuam, gu digittig na, gikkiɗah hittu aɗatte, amubia dayaɗ! Yo, guttid na, dattan hittu yuɗ aɗatte, amubia dayaɗ!

1 Timoti 4:6

Na mattiak imu i laintad amelagppa madikkut dayeb, na tuɗidna, ooppa genab doyaknu nai, ippunittak nai ena aome ele aɗan dabmenan dim lamidkkut dayeb amu, na Kristus Jesusnu maɗi nid ena daakkut.

Taitus 1:9

Nug danab ah ippunittak nai genab ena eleppa oolag ɠagattag qekkunu, nug ɗo tappe nak danab nai amuppa toliadkkunu, nug nai danab aun aɗi ag nai amunu oolagppa genab doon ib ii apiɗidmana, tamaniak dilag ikki danab ag nai amu danab ah ippunatteg uɗie, gemu ele hetteb amu, nug nai amu ɠagattag aɗaɗ!