Prowerb 4:18 - Nobonob Baibel

¹⁸ Amu genab tutukku hak danab ippulag am digmakppa ena daatte, gamagppa enanag daatte, batakppa am enanagnab daatte; am aam haɗaedette, amahlak nakok nakok wanppa daye ukke, aam be, amahlak naɗi daatte, amubia daatte.

Prowerb 4:18 ပူးပေါင်းရင်းမြစ်များ

2 Samuel 23:4

nug am buttua haen enanag, lombig iitta aam baaba, amahlak wan medatte, nug amahlak amubia daatte. Ge, danab anam amu, nug gu wan leppu mette, keeke wanppa bette amu, nug gu nug na mala, amahlak okkai bette, nug amahlak amubia daatte,’ awa aum.

Job 11:17

Na anam hekkut dayeb, na enanag doon daan oikkut. Ao, nahip bau dayak am gatatu ele ii daama. Iitta. Amahlak enappa daakku.

Job 17:9

Genab tutukku hak danab ag ib oittebppa daan oiglag; ag ib ii apiɗidmana. Ge, laa ag eheɗ ii hetteb ele, ag ɠagattag daatteb amu, ag tuɗidna, ɠagattagnab daaglag.

Job 23:10

Da Nug ii anidttem, amge Nug da ib attenppa oittem amu, Nug dootte amunu, Nug ma anttak elele meɗa maleb, da enanag bein daakkul; da danab nug he, gol enanag ba daatte, da gol amubia enanag bein daakkul.

Sam 84:7

Ag oitteb haenppa, Yawe Nug ag dabmatta atognoattatta, ɠagattag madette, ag anen anen Sion appa Kayak toppa gotteb.

Sam 97:11

Nug he, amahlak am genab tutukku hak danab ah dilagppa amahaltte. Nug he, ag maɗoɗppan gamag ahak aotteb.

Prowerb 13:9

Genab tutukku hak danab ag am lam elelenab amahaltte bia daatteb; amge nau hak danab ag lam qauhom bia nauhtteb.

Prowerb 15:24

Danab doyak dabmak ena ele dilagnu amu, ahilagnu bau dayak ib am taata gotte; ag mauhak abenppa nomananu anam hette.

Prowerb 2:20

Anam amunu, na doyak dabmak ena ele aɗan oina, na danab ena dilag ippulagppa oiye! Ao, genab tutukku hak danab ibppa oitteb, na ib amuppaib oina daye!

Prowerb 2:9

Yawe amu hette amunu, ⌊na nuhigppa doyak dabmak ena aokkut dayeb,⌋ na geha kobol tutukku, nai doya mala hettoɗia epeɗia elele mettak kobol ele dookkut. Na geha aɗi ib am ena, na amu dookkut.

Aisaia 26:7

Ib genab tutukku hak danab ah dim lamidtteb ele, ib amuam tak nak okkai, o tak nak naunau laa iitta. O Yawe, na haen oh kobol genab tutukkuib hettem amu, na genab tutukku hak danab ah dilag ib ena babaittette, tak nak laa ii dayeye, ag amuppa oitteb.

Daniel 12:3

Laa ag doyak dabmak ena ele ag hab attan amahaltte, ag amubia amahalkkulag. Ge! Laa ag heeg, danab ah kuɗum ag kobol genab tutukku dim lamidtteb ele, ag hoɗoppai amahaltte bia amahalkkulag. Ge, laa ag heeg, danab ah kuɗum ag kobol tutukku dim lamidtteb ele, ag hoɗoppai amahaltteb bia hanhan amahalkkulag.

Hosea 6:3

Ig Yawenu doyaknu wagai metu! Ao, ig Yawe doognignu wagai metu! Ig anam hekkunig amu, aam nug genab buttua hanhan bette, genab amubia, Yawe Nug uɗia, ig ehanigkku. Ge, gu oug haen iitta metteppa hanhan nette, amubia Nug genab uɗia, ig ehanigkku.” Israel ag anam akkulag.

Matyu 5:14

Ag amu wanppanu amahlak. Aab laa nug qaukoppa daatte amu, nug lokkumak ii daatte; laa lokkumkkunu elele iitta.

Matyu 5:16

Amubia ag dahilad daatteb ele, laala ag ahilag kobol ena anidna, ag ag Mamelag, hab attan daatte amu, Nug binag mekkulagnu, ag ahilag amahlak danab amelagppa amahalaɗ!

Matyu 5:45

Amuppa ag Mamelag, hab attan daatte ele amu, ag Nug bekkod daaglag. Nug he, aam danab nau amu danab ena ele oh qaɗelagppa nette. Nug ele he, gu genab tutukku hak danab, amu genab tutukku hak danab iitta ele oh dilagppa nette.

Jon 8:12

Aria Jesus haen laappa baula danab ah amelagppa nai mattiaya aum. “Da am wanppan amahlak daattem. Aun laa nug da dim lamiɗkku amu, nug gatatuppa ii oima. Iitta. Nug bauklelnu amahlak ele daakku,” awa aum.

2 Korint 3:18

Amu keeke laa ig iɗunig ii haut-tte, Naɗinu binag amahlak oppiaawak ele ihinigppa uɗiaya, aam ameg lettodppa ya gotte, ig nuhig binag amahlak oppiaawak ele amubia heta daattem amu, Naɗi Nug ig Nug bia daagnignu baolikkekke, ig nuhig binag amahlak oppiaawak ele tuɗid tuɗid aot daattem. Naɗi Nug am Ouɗi, amu Nug anam aakku hette.

2 Pita 1:19

Amunu ig propet ag nai appig ele amu, ig nai amunu oonig unuqagppa genab doottem. Anam amu, ag propet nainu daulag human doon autna aweg! Aɗinu? Ahilag nai am hul, gatatu abenppa amahlala daatte bia daatte. Amu ag ahilag nai dabmenan daappeppeg, propet nai am anam amahalebeb ukkeb ukkeb, Jesus Nug eɗua na, ag oolagppa amahalkku batak am ena.

2 Pita 3:18

Amge ihinig Naɗi Jesus Kristus, Nug am ihinig Padal ii maknu ehanittak daatte, ag nuhig ehanittak okkai hamu mettak, amu nuhig doyak ena ele, amu waappa ena daanna, amuppa okkai mekkulagnu uɗat heig! Ig Nug binag naɗi gemu, haen oh ele metu! Genab.

Revelesen 21:23

Aab okkai amuppa amu aam kalam ele aa aab amu amahlak laa medakkunu ii daattep. Aɗinu? Kayaknu binag amahlak oppiaawak ele am amahlak medatte, amu Sipsip Nag am aab amunu lam daatte.

Revelesen 22:5

Gatatu baula ii daama. Lamnu amahlak am aam amahlaknu uɗat ele baula ii daama. Aɗinu? Naɗi Kayak Nug amahlak mattebeb, ag haen oh king daaglag.

Ikki Danab 5:31

Amu Yawe, kekeɗ nahipad oh ag Sisera mauhom bia mauhkkulagnu ool daatte. Anam amge, laa ag nahipnu oolag mauhtte, ag aam ɠagattag ba amahaltte bia amahalkkulagnu ool daatte.” Anam daye, maɗ 40 amu, wan amuppa maɗoɗ dayom.