Prowerb 4:14 - Nobonob Baibel

¹⁴ Am na nau hak danab ib gotteb ele, na amuppa nakok laa aibnab gome! Ge, na ib laa, eheɗ hak danab ag amuppa oitteb amu, na amu qe-eɗidna wana, laih ukke!

Prowerb 4:14 ပူးပေါင်းရင်းမြစ်များ

Sam 1:1

Danab aun laa nug danab laala ag nau hak danab daan oitteb ele, nug amu dilag ulum nai ii dim lamittatta, danab nug hipunin danab dilag hak ii haaha, danab nug awa awa qettak danab ele gadmak ii daatte amu, danab amu nug itittak ena awom daatte.

Prowerb 1:10

Da bekkal, hipunin danab ag na eeɗidkkulag dayeb amu, na aib dim lamadna, ag atteb bia heme.

Prowerb 1:15

Amu genab, ag anam aakku na amenppa akkulagtai, amge da bekkal, na aib ag ouaqame. Ao, na aibnab ib ag gokkulag ele mattan gome.

Prowerb 13:20

Aun nug danab doyak dabmak ena ele oitte, nug doyak dabmak ena ele awa oitte; amge aun nug danab ag Kayak dab-ii-menan ii dim lamitteb ele oitteb, nug nau anidkku.

Prowerb 22:25

Na anam hekkut dayeb, na nuhig kobol aona, na pelemppa tekkut.

Prowerb 24:1

Na nau hak danab dilagnu aib amen qe, oot elele ii dayom. Ao, na ag ele daaglagnu aib heme.

Prowerb 4:15

Na ib amu oɗeppa aib wame. Na aib danab amu ippulag mattan gome. Ao, na ib amu dimettan, ib laa aon, mattan ukke!

Prowerb 5:8

O bekkalad, ag ahilag ɠagattag laa mattamnanu, ag laa nug laa guittak mettaknu uug ii dootte ele waappa daamnanu, ag ahilag en, ag en amu laa ag ii doyadtteb ele eppelagppa hamu mattamnanu, ag uɗat huanak henan en aona, ag en amu danab laa laulagppa memananu, ag ah ewau pakkua gappai hettenu ib oɗeppanu awaidna dayeg! Ao, ag aib nug laug od gukkuidna wappig.

Prowerb 7:8

Nug am ib laa, ah ewau pakkua gappai hette ib amuppa daatte amu, nid bau amu nug ib amu, ib nug oitteppa ele oɗatleppa gukkuitta ukkom. Ao, nug ib amu awa noono, ah amu laug gukkuitta ukke anidmi.

Prowerb 9:6

Ag doyak ii awak ele aib tuɗidna daan oippig! Ag amu tuɗidna ii hekkulag dayeb, ag bau daaglag; ag diignu doyak tutukku aon oiyeg!” awa atte.

1 Korint 15:33

Hambuppualadmananude dabmeig! Danab nau ag anam maditteb ele amu, ig ag ele oignig amu, geha ag ihinig dabmak heppeg kabolieb, ag oitteb bia oignig.