Prowerb 4:1 - Nobonob Baibel

¹ O bekkalad, da ag mamelag, ag dahil ippunittak nai doyeg! Ao, ag diignu doyak tutukku aoglagnu amu, ag daulag human, dahil nai doon, elele dabmetteg!

Prowerb 4:1 ပူးပေါင်းရင်းမြစ်များ

Genesis 49:2

Ag da, Jakop, ag da bekkalad, ag qagmen, nai dahil doyeg! Ao, da Israel, ag mamelag amu, ag dahil nai doyeg!

Sam 34:11

Dahilad nid naunau ag dona, nai dahil doyeg! Ge, da ag Yawenu ebehilag oh bodoetta le mekkunu ippunadkkul.

Prowerb 1:2

Solomon nug oiyak ehanittaknu nai tutu yaalattom amu, nug diig piɗe piɗenu yom. Amuam: danab nug doyak dabmak ena ele aokkunu, nug nuhig oiyak atognoa enaib oikkunu, nug nai unuqagnab daattenu meu, nug amu diignu doyak tutukku anidkkunu,

Prowerb 1:8

O bekkal, na mamen da, na dahil tolittak nai doye! Ao, na anin toppan ippunittak ena aome amu, na amu aib uume.

Prowerb 13:1

Bekka nug doyak dabmak ena ele, nug ippunittak nai mameg toppanu awa dim lamidtte; amge awa awa qettak nid nug daug batak awaknu dab-ii-mette.

Prowerb 19:20

Na ulum nai ena doon aon, ippunittak nai ena ele aon aɗakkut dayeb; gog takppa na doyak dabmak ena ele daakkut.

Prowerb 22:17

Na daut human, danab doyak dabmak ena ele dilag nai doye! Ao, da aɗi ippunidttem imu amu, na dabmettan autna awe!

Prowerb 5:1

O bekkal, na hanhan laanu neekkakppa nug dabmak eheɗ ii aomanu kobol aon oikkutnu, na nai doyak ele madikkutnu amu, na daut human, doyak dabmak ena elenu nai dahil aon doon, elele mette! Ao, na dahil nai meu unuqagnu, na nai amu doon autna awe!

Prowerb 7:4

Na doyak dabmak ena elenu, “Na da appinal,” aon a! Ao, na diignu doyak tutukku amunu amu, na, “Da nug ele i tiinih laippu,” aon a!

Jeremaia 35:8

Nug anam aum amunu, ig Jonadap, nug am Rekap bekka, ig mamenig anukkanu, ig nug ɗo oh ig mekkom amu, ig ɗo amu oh dim lamidtata, gemu ele hettem. Ig, amu ig waankad, ig bekkankad, amu ig aɗenkad ele ig oh wain nakok laa ii lamut.

Hibru 2:1

⌊Kristus Nug onig binag okkai ele amu awom daatte, Nug Kayak nai ippunikkom,⌋ diig amunu amu ig Nai Ena dim lamidkkunignu bodoettamtanu, ig nai doomut ele, nai amu ig aɗat dabmeta autanab aot dim lamidtu!