Prowerb 3:9 - Nobonob Baibel

⁹ Am na en nahip-ppanu laih aon, Yawe binag medakkutnu Nug mette! Ao, ee nahip tatam oɗueb amu, na ee meu tatamnu amu aona, Yawe eppegppa me!

Prowerb 3:9 ပူးပေါင်းရင်းမြစ်များ

Genesis 28:22

Aben da men eppami ele imu amu, am Kayak noobppa dup noa binag mak aben daakku. Amu Kayak Nug aɗi aɗi keeke oh da meɗeb amu, da amunu obatak eblaih tanig ele ooppanu obatak laippu Kayak medakkul,” awa aum.

2 Stori 31:10

Nug ag oɗ matte, mana mettak ikki danab Asaria, nug Sadok buɗub amu, nug nai mattia, king aum nob ma aum. “Yawe Nug nuhikkud danab ah itittak ena madatte amunu, danab ah ag digmena, ahilkad keeke aon, Yawenu mettid lakka uɗin meegeg, ig ee keeke elelenab daaut uɗie, gemu ele daautut, am laa hamu daatte. Keeke amuam qagmak naɗinab iikku daatteb,” awa aum.

2 Stori 31:21

Hesekaia nug aɗi keeke Kayaknu mettid lag, nug amuppa hekkunu ha, nug Kayaknu ɗo ele dim lamidkkunu ha, nug Kayak aɗi aɗi hekkunu haknunab anak nug amegppa aum ele amu, nug keeke amu ohnu Kayak antta dim lamidkkunu Nug madikkunu dabmak awa, Nug dim lamidkkunu meu ohppa ele amu heum. Hesekaia nug anam he, Kayak ehanitte, nug elelenab dayom.

Sam 144:13

Ihinkad dad ag ee digdig huanak meulkad okkulag. Ao, ihinkad sipsip ag huana abatna, kuɗum, ge, kuɗum huanak daaglag.

Eksodas 22:29

Ag keeke ebappeg, da heppi, meu okku amu, ag keeke ebappignu meu, wain, olip goɗen ele amu, ag amunu maha ofa daakkunu da meɗaglagnu aib uuppig. Ag uug doon, oolag uug ele da nakok nakokib meɗaglagnu am aib. Ag oo gamag ahak ele, elele meɗaglagnu meɗeg! ⌊Pasowa ebqak 1 haenppa da ag amelagppa amibia amu,⌋ buɗub buɗub doobob, ag ahilkad nid danab tatamnu da meɗeg!

Eksodas 23:16

Hobul laa amu Ee Tatam Oɗue Digma Awaknu Hobul. Ag hobul amu henana, ag datta ee ebappig, meu tatam oɗuom amu, ag meu amu aon, amuppa hobul imu gamag ahak ele heig! Amu hobul laa am Pehppa Dayaknu Hobul. Ag hobul amu maɗ batakppa, ag ee oh meu aotteb haenppa, ag hobul imu gamag ahak ele heig!

Eksodas 23:19

Ag ee tatam oɗutte ele, ag ee amunu laih enanag aon, da Yawe, ahilag Kayak, ag ee amu aon, da laulppa uɗieg! Ag meeme nag, anignu huhppa aib badippig.

Eksodas 34:26

Ag ee tatam oɗutte ele, ag ee amunu laih enanag aon, da Yawe, ahilag Kayak, ag ee amu aon, da laulppa uɗieg! Ag meeme nag, anignu huhppa aib badippig,” awa aum.

Prowerb 11:25

Keeke mettaknu oo qak iitta danab, nug am keekenu elelenab daakku. Ao, danab nug laa ehanadtte, nug geha ehanittak aokku.

Prowerb 14:31

Danab nug daɗek dilag eheɗ hadatte amu, nug laa Nug nug heum ele, nug nuhignu, “Keeke hamunab,” aakku dootte; amge aun nug daɗek ehanadtte, nug kobol amuppa Kayak binag mette.

Aisaia 43:23

Ag sipsip aon uɗin, manaknu ofa hena ii meɗappig. Ao, ag binal meɗanna, mana mettak digdig da ii meɗappig. Da ag ee aegnu ofa kuɗum, ag aon da meɗaglagnu ii hemi. Ao, da kalu danab ile muttuɗig enanag bette ele kuɗumnab ag aon, da meɗaglagnu haknunab anak ii mattami.

Lewitikas 19:25

Anam daya maleb, maɗ tanig eleppa amu, ag ad meu aon lakkulag. Hak anamppa ad diig ag meulkad huana okkulag. Da am Yawe, ahilag Kayak.

Namba 15:20

Ag ee aeg mumuɗaknu abenppanu ee aeg aotteb amu, ag aeg naanaeg ganuɗak amuppanu bret batappatak laa, ofa daakkunu, ag aon, Nug metteg!

Matyu 25:17

Amubiaib laa talent aɗit awom ele, nug ele anam ha, talent aɗit baula awom.

1 Korint 16:2

Mettid ohppa ag oh anen anen Mettid deɗppa ag men doɗo mettid ukkomppa aoppig amu dabmettanna, ag laih otin laulagppa meppeg dayebeb, geha dimppa da gumatte goppi, ag men doɗo mattaglagnu mattiaknute henana, hik ii aqama.

Duteronomi 14:29

Amu Lewi buɗub, ag aulag wan iitta ele, ag oolagppa daatteb, aria danab ag wan laihnu danab daatteb, nid ag mamelkad mauhppig daatteb, amu ah qab ag appalkadppa daatteb, ag ele oh uɗin daan, ag lappeg, oolag aɗakkunu, ag ee amu bakkalen lakka mekkulag. Ag anam heppeg, Yawe, ahilag Kayak, Nug ag aɗi hekkulag am itidkku.