Prowerb 3:6 - Nobonob Baibel

⁶ Keeke oh na hekkutnu dabmettem amu, tatam Kayaknu dabmewona hekkut. Na anam heppe, Nug geha heeb, na ippun tutukku daakku.

Prowerb 3:6 ပူးပေါင်းရင်းမြစ်များ

1 Stori 28:9

Amu Solomon da bekkal, da na amenppa attem. Yawe Nug danab dilag dabmak unuqagppa daatte mattia anidtte, Nug danab nug diig aɗinunab keeke hette ele dootte amunu, na, na mamenad dilag Kayak, Nugib am Kayak dabmena doon, na meut ohppa, nahip dabmak ohppa ele Nug waappa daan, Nug oɗe dim lamitte! Na Yawe anidna dim lamidkkutnu Nug madikkut dayeb, Nug heeb, na Nug anidkkut. Amge na Nug dimettan, uuidkkut dayeb amu, Nug ele na geɗitteb, na anam daappe ukkeb, gogppa teeb batakkut.

Esra 7:27

Yawe, ig mamenkad aɗi dilag Kayak, Nug he, king nug Yawe laug Jerusalem appa daatte, nug lag amu binag mekkunu anam dabmeum amunu, ig Kayak binag metu.

Nehemaia 1:11

O Naɗi, da am nahip maɗi nid daattem, laa ele ag na oninnu ebehilag oh bodoetta le mekkunu enanagnab doon, ag nahipad maɗi nid daatteb, ag amu, da gemu, na ig oh, ihinig unuqittak imu dookkutnu oɗ medattem. Gemu da king noobppa daakkul amu, haen amuppa na heppe, king nug dahilnu ena dookkunu oɗ medattem.” Da anam unuqidmi, amu haen amuppa da kingnu wain mettak danab daami.

Nehemaia 2:4

Da anam ai, king nug da oɗ meɗom. “Anam, amge na aɗi hekkutnu dabmettem?” awa oɗ meɗom. Nug anam oɗ meɗe, da Kayak hab attan daatte ⌊oolppaib⌋ unuqitten,

Nehemaia 7:5

Amu Kayak dabmak meɗe, da hei, anuqak danab, Juda dilag ehanittak anuqak danab, aabppan danab ah ele ag onilkad bukppa ag baelkadppa anen anen onilkad waappa yaaglagnu uɗippig. Amu da tatam mattien, buk laa, diia ukka laih me dayak danab ah tatam eɗun uɗippig onilkad amuppa yaak daatte ele amu, da buk amu anidmi. Antten amu, buk amuppa da yaak laala imu anidmi.

Sam 32:8

Yawe inam atte. “Da geha na doyak medette, ib na dim lamidkkut ele ippunidkkul. Da geha nahip ulum mettak danab dayeye, dabmak ena medette, da na atognoidkkul.

Prowerb 11:5

Kayaknu neekkakppa danab ooppa kaliak laa iitta ele amu, genab tutukku hak kobol nuhig he, nug ib enappa oitte; amge nau hak danab ag nau heeg, kobol amu he, ag nauhtteb.

Prowerb 16:3

Na aɗi keeke hekkutnu ⌊dabmettem⌋ amu, na keeke amunu hak Yawe eppegppa me; ⌊na amu hekkut dayeb amu,⌋ Nug heeb, amu haknu maittak nahip am ena beeb, maittak amuam meu okku.

Prowerb 16:9

Danab nug nuhig dabmakppa keeke hekkunu maittak aotte; amge Yawe Nug nug aɗi ib awa gokkunu dabmak awa he, ɠagattag ebatte.

Prowerb 23:17

Na hipunin danab dilagnu aib amen qe, oot elele ii dayom; iitta, na hanhan Yawenu ebehin oh bodoetta le mekkunu yag-nab-bak doye!

Aisaia 26:7

Ib genab tutukku hak danab ah dim lamidtteb ele, ib amuam tak nak okkai, o tak nak naunau laa iitta. O Yawe, na haen oh kobol genab tutukkuib hettem amu, na genab tutukku hak danab ah dilag ib ena babaittette, tak nak laa ii dayeye, ag amuppa oitteb.

Aisaia 30:21

Ag oippeppeg, ag dimulagppa baag laa ag ib attem aon gokkulagnu ippunadkkunu, “Ib iikku, aakkud ukkeg!” ab dooglag. Aɗinu? Ag oinna, ag ib naɗiap-ppa gokkulagnu daatteb dayeb amu, ag baag doon, naɗiap-ppa gokkulag. O ag ib nanehppa gokkulagnu daatteb dayeb amu, ag baag doon, nanehppa gokkulag.

Aisaia 45:13

Da genab tutukku hak kobol dim lamitten heppi, Sairus nug dahil uɗat hekku. Da nug ippu tutukku medappi, nug dahilad diia ukka laih me dayak danab ah uhuqatta, nug heeb, ag ahilag aab okkai bappaidkkulag. Da anam hekkul, amge Sairus nug amu hekkunu amu, nug dadennu ii hema. Nug keeke enanu ii hema. ⌊Iitta da heppi, am nug hekku⌋.” Yawe Nukka Ɠagattag Oh Ele, Nug anam awa atte.

Aisaia 48:17

Yawe, Nug ag Israel, ag ahilag qagaiettakppanu eɗua uhuqaknu ehanittak daatte, Nug ag Israel, ahilag Kayak Oppiaawak Ele amu, Nug atte. “Da am Yawe, da ag Israel, ahilag Kayak daattem. Da ag kobol aɗi aɗi am ahilagnu ena, laa oh eɗidtte amu, da kobol amu ippunadttem. Ao, ib ag gokkulagnu daatteb ele amu, da ib amuppa gokkulagnu ulum madattem.

Jeremaia 10:23

O Yawe, da doottem, ig danab ig ikka, ig ihinig oiyaknu ulumnab ii aɗattem. Ao, ig aɗi aɗi ihinigppa bekku amu, ig amu ii gumattem.

Jeremaia 42:3

Na Yawe, nahip Kayak, na Nug oɗ medappe, Nug ig adeppa gokkunig, ig attem attem hekkunig ab doognignu oɗ medattem,” appig.

Namba 9:20

Haen laala amu lombig nug mettid haknu peh lag igippa deɗ kuɗum ii dayom amunu, Yawe Nug lombigppa ag daaglagnunab ippuanatom bia, ag aben amuppa deɗ kuɗum ii daadppig. Amge Yawe Nug lombigppa ag gokkulagnunab ippuanatte, ag ahan godappig.

1 Korint 10:31

Amge ag ee le ele lakkulag, o keeke laa hekkulag amu ag keeke amu ohppa ag Kayak binag amahlak oppiaawak ele mekkulagnu aakkuib dabmenan heig!

2 Korint 8:16

Aria, da am Kayak amegppa, “Ena heme,” attem. Aɗinu? Nug Taitus ehanitte, nuhig dabmak, dahil bia, laippu awa, nug ele ag ehanadkkunu oo huan daatte.

Pilipai 4:6

Ele amu, ag aɗi keeke laippunu dabmak qak aib doon daappig. Iitta! Ag keeke ohnu unuqittak digdigppa, “Ena heme,” anakppa ele, ag Kayak Nug ahilagnu aɗi aɗi hekkunu oolag daatte amu, ag oo hak amu Kayak amegppa aig!

Kolosi 3:17

Ag nai madittebtai, o iitta ag uɗat hettebtai, o iitta ag aɗi keeke hetteb amu, ag Jesus onigppa Mame Kayak amegppa, “Ena heme,” anana, ag keeke amu oh Naɗi Jesus onigppaib heig!

Kolosi 3:23

Keeke oh ag hetteb amu, ag hekkulagnu ag oolag mettan heig! Amu ag, “Ig danabnu uɗat hettem,” doonna aib heppig. Iitta. Ag, “Ig Naɗinu uɗat hettem,” doonna heig!

Jems 1:5

Ag oolagppa danab laippu laa nug doyak dabmak ena ele elele iitta daatte dayeb amu, nug amunu Kayak unuqittaɗ! Nug unuqitteb, Kayak Nug doyak dabmak ena ele medakku. Kayak Nug keeke danab madatte amu, Nug elelenab madatta, Nug mettaknu nai ii hette.

1 Samuel 30:8

Abiatar nug anam he amu, Dawit nug Yawe oɗ metta aum. “Da ag ele ban hekkunignu da ban danab amu dim lamadkkul, o iitta? Da ukke amu, da ag gumatte wakkul, o iitta?” Dawit nug Yawe anam oɗ mettom. Nug Yawe oɗ mette, Yawe Nug nob ma, amegppa aum. “Ao, na ag dim lamatte! Aɗinu? Na dim lamadna gona, geha na gona, ag gumadna wana, na danab ah aɗualadna diin goppig amu oh diiadkkut.” Yawe Nug anam aum.