Prowerb 3:4 - Nobonob Baibel

⁴ Na anam hekkut dayeb, na Kayaknu neekkakppa, danab ah dilag neekkakppa ele, na danab diignu doyak tutukku ele daakkut.

Prowerb 3:4 ပူးပေါင်းရင်းမြစ်များ

Genesis 39:21

haen amu ele Yawe nug Josep ele daapiɗ. Nug nug ele daayya, Yawe Nug Josepnu oo bodoettak kobol nuhig dim lamitta he, maniguittak gumak ikki danab nug Josepnu ena doya, dabmettom.

Sam 111:10

Danab nug Yawenu ebehi oh bodoetta le mette ele amu, danab amu nug digma, doyak dabmak ena ele aokkunu hette. Ao, danab ah oh ag Yawenu oo yaak nai ɗo bia dim lamidtteb ele amu, ag diignu doyak tutukku ele. Ag Nug binag hanhan meig!

Prowerb 12:2

Yawe Nug danab ena dilagnu oo ena dootte; amge danab lokkumakppa kobol kobol hekkulagnu doon autna aotteb ele amu, Nug ag naippa maadtte.

Prowerb 13:15

Danab ah ag diignu doyak tutukku ele ag laa dilag neekkakppa ena daatteb; amge laa ag Yawe ippuanattom bia Nug dim lamidkkulagnu uun hetteb ele, ag uug anidtteb.

Prowerb 8:35

Aɗinu? Aun laa nug da mattiɗa aniɗtte amu, nug aakku bau dayak andette, Yawe Nug nuhignu ena dootte.

Daniel 1:9

Amu Kayak Nug matu he, danab okkai amu nug Danielnu oo ena daye, nug Danielnu oo ele doyom,

Luk 2:52

Amu Jesus Nug ena meeme, nuhig doyak ele okkai meeme, Kayak noobppa, danab noolagppa ele Nug ena oiya, tuɗitta he, ena dooppig.

Aposel 2:47

Ag anam hena, haen oh Kayak binag meegeg, danab ah laa oh ahilagnu oolag enaib dayom. Haen amu deɗ ohppa Naɗi Nug danab ah laala eɗua diieye, ag Kristen tamaniak ooppa daappig ele amu, ag ele tuɗidppig.

Rom 14:18

Danab laa nug ib amuppa Kristus waappa daya nuhig uɗat hette ele, geha Kayak Nug nuhignu ena dookku; danab ag ele nuhignu am danab ena dooglag.

2 Korint 8:21

Am ig ehanittak kobol imu ib tutukkuppaib Naɗi amegppa hekkunignu dabmettem. Amge ig Nug amegppaib tutukku hekkunignu aakkuib ii hettem. Iitta. Ig danab ag ele ig kobol tutukkuppa hettem anidkkulagnu hettem.

1 Samuel 2:21

Eli nug anam mattie ukke, Yawe Nug Hananu dabmaama ehanittom amunu, nug nid laala, nid danab ewam, amu nid ah aɗit ele menuattom. Nug nid amu menuatta dayeye, nid danab Samuel nug Yawe noobppa ena meum.

1 Samuel 2:26

Eli bekoɗ aa anam hepiɗ, amge nid danab Samuel nug ena maama, Yawe noobppa, amu danab noolagppa ele nug ena oiya, am tuɗitta he, enaib dooppig.