Na tumainab iikku da ehaniɗkkutnu uɗime. Amu gemu da heppi, na ig ele ɗo danab, lag iitta bia da atu atten, da amu ii doottem ele, na ig ele anam oignig am ena iitta amunu, na, na baenadppa ele ag eɗun gokkulag am nai iitta. Amu Kayaknu oo bodoettak kobol, nuhig oo metta ii uuak kobol ele nahip-ppa daakkunu ool daatte.” Dawit nug Itai amegppa anam aum.
Prowerb 3:3 - Nobonob Baibel3 Na oo mauhaknab kobol, oo metta ii uuak kobol ele aib uuatme. Ao, na danab nug keeke qettoɗmanu nug baagppa qakke daatte, amubia na kobol amu hanhan dim lamidkkutnu anam bia he! Ge, na danab laa nug keeke laa daug atimanu uɗugppa yaatte, amubia na kobol amu daut atimanu aon ootppa me! အခန်းကိုကြည့်ပါ။ |
Prowerb 3:3
23 ပူးပေါင်းရင်းမြစ်များ
Aria, Bret Yis Iitta Lanaknu Hobul Nakok, amuam geha danab nug aɗi keeke dabmekkunu oo hette ele, nug amu dabmekkunu nug eppeg gomeppa nai ye daatte, o nug uɗappa keeke laa aiha daatte amu, hobul amuam, ag Yawe Nug ahilagnu uɗat naɗi heum dabmekkulagnu, nuhig ɗo nai ele dabmena mattiglagnu at amubia daakku. Aɗinu ag Yawenu ɗo dabmena, amunu mattiglag? Yawe Nug uɗat naɗinab ha, Isipnu diia omalatte uɗippig.
Nug anam ha, Nug Moses noobppa wanana, Nug inam anan mattiom. “Da am Yawe, Da am Yawe. Da Kayak, da am oo gai-iitta doya oo metta ehanittak diig, oo bodoette enanag maɗoɗ ele haknu diig ele. Da paha ool ii nauhtte. Dahil oo mauhaknab kobol, dahil oo metta ii uuak kobol ele am, ambeya, letaya nettep.
Amu Yawe Nug atte. “Danab nug aen maha laa, o men ɠagattag laa awa, amuppa nai laa men laappa otaɗtte, laa nai amu hamu obikkunu elele iitta daatte. Nai anam daatte, amubia Juda dilag hipunin am ag oolagppa yaak daatte. Ao, nai amuam doɗ mana mettaknu qaɗab ahilag anen anen qeqeɗi daug waɗeleppa daatteb, qeqeɗi amuppa yaak daatte.
Tatam haen, haen amuppa Lewi nug Israel danab ah amelagppa nai doyak diig genabibppanu, da nug anam ippunadkkunu ami ele, nug nai amu ag amelagppa mattiom. Nug hambuppuak nai laa ii mattiom. Nug da ele maɗoɗ ele oiɗa, nug genab tutukku hak kobol ele dim lamittom. Nug he, danab ah kuɗum ag hipunin ii heppig.
O gadonnab gadon ag ɗo gumak danab-Parasia amu ɗo mehuqak danab ele. Ag hambuppuak danab. Ag dabmeig! Ag keh naunau amu oh oppateg, ameg eblaih tanig ele neeg, ameg laippu amu Kayak medatteb, amge ag ɗo laa okkai ii dim lamidna oitteb. Ɗo ag ii dim lamidna oitteb ele am, nai doya mala hettoɗia epeɗia elele mettak kobol, laa dilagnu oo gai-iitta doya oo metta ehanittak kobol, amu oo metta ii uuak kobol ele. Ag ɗo ii dim lamidtteb, amu laa dim lamidtteb ele, ag amu oh dim lamidlob, amuib am tutukku.
ကြော်ငြာတွေ