Prowerb 3:16 - Nobonob Baibel

¹⁶ Doyak dabmak ena ele am ah laa nug keeke laa paniattaknu eppegppa aɗatte bia. Nug eppeg naɗiap-ppa amu, nug maɗ kuɗumnu bau dayak aɗatte; Ao, nug eppeg nanehppa amu, nug enub, binag ele aɗatte.

Prowerb 3:16 ပူးပေါင်းရင်းမြစ်များ

1 King 3:13

Laa ele, da geha keeke laala na amunu da ii oɗ meɗame ele, da amu ele na medakkul. Medappi, na geha en okkai aon, amu binan okkai ele aon daakkut. Aria, na anam daakkut amu, na bau daattem, haen amuppa amu, king laa nug na daakkut, laa anam bia ii daama. Iitta.

Job 39:12

Na doɗ amu nug nukka nug ee aeg nahip dattanu awa uɗia, na medakkunu ootppa genab dookkutte? Ao, nug nahip ee aeg awa uɗia, nahip ee aeg mumuɗaknu abenppa mekkute?

Sam 112:3

Danab nug Yawenu ebehi oh bodoetta le mette ele, nug laugppa en, keeke ena ena ele daatteb. Ao, anam amu, nuhig genab tutukku hak kobol am hanhan alet daatte.

Sam 21:4

Nug bau dayak medakkutnu oɗ mette, am na anam heme. Yo, nug bau haen elab dayaknu oɗ mette, na bau dayak elab mettan, na hanhan nuhigppan laa king daakkunu ame.

Sam 71:9

Gemu da kaino memi; na da dimeɗamnanu oɗ medattem. Yo, gemu da kaino mein bodoettami; na da uuiɗmananu unuqidttem.

Prowerb 22:4

Danab nug nukka onig qe nette, nug Yawenu ebehi oh bodoetta le mak ele dootte amu; nug en, binag, bau dayak ele aokkunu ib aakku matultte.

Prowerb 3:2

Na anam hekkutnu diig am, dahil ippunittak nai, dahil haknunab anak ele aa hepeɗ, na geha haen elab bauklel daakkut. Ao, aa hepeɗ, na ena daakkut.

Prowerb 9:11

amunu na da, Doyak Dabmak Ena Ele dim lamiɗkkut dayeb amu, na haen elab wanppa daakkut. Ao, na da, Doyak Dabmak Ena Ele dim lamiɗkkut dayeb amu, da maɗ nahip tuɗidppi, kuɗum daaglag.

Mak 10:30

nug wannu haen imuppa hamu ii daama. Iitta! Nug lag, awakkud, amakkud, apakkud, appinkkud, anikkud, nid naunau amu dad okkai ele tuɗitta, 100 baula aokku. Nug amu awebeb, laa ag ele nug eheɗ hettaglag. Laa ele amu, butti aɗi haen amu uɗieb, nug bauklel hanhannu aokku.

2 Korint 6:10

Ig am oonigppa uug elenab, amge haen oh ig maɗoɗppan gamag ahak doottem. Ig daɗek danab bia daattem, amge ig am danab kuɗum keeke kuɗum madattem. Ig am eppenigppa keeke laa ii daatte bia, amge keeke oh am ig aɗattem.

1 Timoti 4:8

Aɗinu? Beɗunig ehanittaknu kobol hak amu nakok ehanigtte, amge genab tutukku hak danab dayaknu ehanittaknu kobol hak, am keeke ohnu ehanigtte. Amuam ig gemu bau daattem amunu ehanigtte, amu bauklel dimppa aognig, amunu ele ehanigtte.