Prowerb 3:11 - Nobonob Baibel

^11-12 O Nid dahil, Yawe Nug na ena bekkutnu tolitta, bu nitteb amu, na amunu ootppa uuaknab aib doome. Ge, Nug na ena bekkutnu daut bateb amu, na nuhignu aib eheɗ doome. Aɗinu? Yawe Nug danab laa, Nug ahilagnu oo mauhtte amu, Nug danab amu ena daaglagnu toliatta bu madatte. Ao, danab nug bekkanu enanagnab dootte ele, nug nug ena bekkunu tolitta bu medatte, amubia Yawe Nug danab amunu hette.

Prowerb 3:11 ပူးပေါင်းရင်းမြစ်များ

Job 4:5

Na ag anam ehanadme, amge gemu uug laa nahip-ppa be, nahip dabmak am qe nak daatte. Yo, uug amu na nitte, na oot uug nau qak daatte.

Job 5:17

Kayak Nug danab auntai laa tolitta bu medatte ele, danab amu nug itittak ena awom daatte. Anam amunu, na Laa Nukka Ɠagattag Oh Ele Nug na tolitta bu medatte, na amunu ena iinab doyak aib doome.

Sam 94:12

O Yawe, danab na toliadna, bu madattem ele amu, ag itittak ena aoppig daatteb. Ao, danab na nahip ɗo ag ippunadttem ele amu, ag itittak ena aoppig daatteb.

Prowerb 24:10

Uug bette haenppa, na uug amu eɗidkkutnu tuɗidna ii hettem dayeb amu; nahip ɠagattag am okkai iitta laa ippunadtte.

1 Korint 11:32

Amu haen Naɗi Nug ig aɗi hettem anikka, Nug ihinig hak amu epeɗitta, ig danab Kayak ii dim lamidtteb ele oh padal ii mematanu, ig ena bekkunignu Nug ig tolikka, bu iqaaqa bappaigtte.

2 Korint 4:1

Kayak Nug ihinignu oo gai-iitta doya oo mekka ehanikka, uɗat imu ig mekkom amunu, ig oo bai noak ii doottem.

Duteronomi 8:5

Amunu ag nid mamelkad, anilkad ele ag nid naunau ahilkad toliadna bu madatteb, amubia Yawe, ahilag Kayak, Nug ag toliatta, bu madatte doyeg!

Hibru 12:3

Ag Jesus aɗi ippunigtte am antteg! Hipunin danab anukka ag Jesus kekeɗ okkai medappig, amge Nug ɠagattagnab dayom. Ag gemu oolagppa genab dootteb amu, ag keeke amu dabmena, ag ele aib bahilag yom; ag ebehilag ele aib bodoettom.

Revelesen 3:19

Da bekkalad dilagnu ool mauhe, amu da ag tutukku daaglagnu ag daulag batete, ahilag kobol ena bekkulagnu toliadttem amunu, na kobol nahipnu dabmena autna aona, oot eɗuaɗ!