Prowerb 3:10 - Nobonob Baibel

¹⁰ Na anam hekkut amu, na ma lakka ee meu kuɗumnab meppe, ambeeb, ee laa ele daakku. Ao, na geha wain bau hinaippa inappe ukkeb, oh ambeppeg, wain laa ele daakku.

Prowerb 3:10 ပူးပေါင်းရင်းမြစ်များ

2 Stori 31:10

Nug ag oɗ matte, mana mettak ikki danab Asaria, nug Sadok buɗub amu, nug nai mattia, king aum nob ma aum. “Yawe Nug nuhikkud danab ah itittak ena madatte amunu, danab ah ag digmena, ahilkad keeke aon, Yawenu mettid lakka uɗin meegeg, ig ee keeke elelenab daaut uɗie, gemu ele daautut, am laa hamu daatte. Keeke amuam qagmak naɗinab iikku daatteb,” awa aum.

2 Stori 31:21

Hesekaia nug aɗi keeke Kayaknu mettid lag, nug amuppa hekkunu ha, nug Kayaknu ɗo ele dim lamidkkunu ha, nug Kayak aɗi aɗi hekkunu haknunab anak nug amegppa aum ele amu, nug keeke amu ohnu Kayak antta dim lamidkkunu Nug madikkunu dabmak awa, Nug dim lamidkkunu meu ohppa ele amu heum. Hesekaia nug anam he, Kayak ehanitte, nug elelenab dayom.

Sam 144:13

Ihinkad dad ag ee digdig huanak meulkad okkulag. Ao, ihinkad sipsip ag huana abatna, kuɗum, ge, kuɗum huanak daaglag.

Prowerb 19:17

Aun nug daɗek ehanadtte, amuppa nug Yawe keeke lon mettom bia hette; Yawe Nug nug heumnu nob ena eɗua medakku.

Prowerb 22:9

Laa nug laa keeke mettaknu oo qak iitta danab, nug itittak ena aokku; amunu diig am, nug daɗek ee madatte.

Joel 2:24

Nug anam gu he neum amunu, ee aeg mumuɗaknu abenppa ee aelkad qagmak okkainab daaglag. Am grep leppu, olip goɗen ele danab meu titiegeg, hinaippa notte amu, leppu amu ambeeb, hanak am ambaknab daaglag.

Hagai 2:19

Ag ee aeg, ee tumu keeke, iitta ele. Ag muɗi grep, ad fig, ad pomigranet, olip ad ele eppan, meu ii aoppig, amge da gemu digmein, itittak ena madakkul,” awa atte.

Matyu 10:42

Amu danab laa nug danab hamu onig iitta laa anidtte, amge danab hamu onig iitta amu nug da dim lamiɗtte amunu, danab laa amu nug danab onig iitta ehanitta, nug le ougib kap-ppa medatte amu, da genab ag amelagppa attem, Kayak Nug danab amu nob ena medakku. Nug daug iinab atima,” awa aum.

Duteronomi 14:29

Amu Lewi buɗub, ag aulag wan iitta ele, ag oolagppa daatteb, aria danab ag wan laihnu danab daatteb, nid ag mamelkad mauhppig daatteb, amu ah qab ag appalkadppa daatteb, ag ele oh uɗin daan, ag lappeg, oolag aɗakkunu, ag ee amu bakkalen lakka mekkulag. Ag anam heppeg, Yawe, ahilag Kayak, Nug ag aɗi hekkulag am itidkku.

Duteronomi 28:8

Yawe Nug ag aɗi keeke ag eppelagppa hekkulag, Nug amu ohppa itatta, bakkalen lakka ee ambak mekku. Yawe, ahilag Kayak, Nug wan ag madatte, amuppa itadkku.