Prowerb 27:9 - Nobonob Baibel

⁹ Leppu muttuɗig ena, amu kalu danab ile muttuɗig enanag bette ele amu, keeke aɗit amu aa heeh, danab nug oo gamag ahatte; amubia danab layag nug ulum nai ena, atognoa medatte amu, nug amunu ele oo gamag ahatte.

Prowerb 27:9 ပူးပေါင်းရင်းမြစ်များ

1 King 1:12

Nug anam anana amu, nug nai tuɗitta aum. “Nug anam hette amunu, ag na, amu na bekkat Solomon ele, ag aa aqatmananu, na dahil ulum nai dim lamitte!

Sam 104:15

Ee laa am muɗi grep meunu leppu, wain; wain amu he, danab nug gamag ahak dootte. Laa am olip ad meunu goɗen; danab ag aon beɗulag laaitteg ehanadtte. Laa am ee aeg bret haknu; ag ee aeg amu aon, bret hena lawona, ag ɠagattag aotteb.

Sam 133:2

Ao, danab ah ag anamppa daaglag dayeb amu, amuam kobol ena. Kobol amuam olip goɗen enanag Aron igippa gokkaɗeg neum, am amubia. Ao, goɗen amu nug igippan noa, akkaɗippa noa, lamen elab takkom ele laih baagppa daatte ele, amuppa batom.

Sam 141:5

⌊Amu da digmein, eheɗ hekkul hettem dayeb amu, na heppe,⌋ genab tutukku hak danab nug da bu iukku, o nug da daul batakku, am ena; Da bu qak, o daug batak amu ii uupa. Da eheɗ hak danab ag hanhan tuɗidna, eheɗ hemananu unuqidttem.

Sam 23:5

Na ee okkai da lakkulnu dahil kekeɗ amelagppa hena, ⌊da ee okkai amuppa daakkulnu na oot okkai daatte miag atiak daakkunu,⌋ na goɗen muttuɗig enanag ele da ikkilppa gokkaɗttem. Na hee, keeke ena ena kap dahilppa ambak dayeye, laa gokkaɗa nette.

Prowerb 15:23

Danab nug laanu nai nob elele mette, nug oo gamag ahak dootte. Ao, nai elelenab haenppa mattiak am he, danab nai maditte ele nug oo gamag ahak okkai dootte.

Prowerb 16:21

Danab ag laa, nug doyak dabmak ena ele, ag nuhignu, “Nug am oo maittak awaknu ehah awom daatte,” aon atteb; amu laa nug nai maɗoɗ ele maditte, danab ah ag nuhig naippa ippunittak aoglagnu elele.

Prowerb 7:17

Niiak aben dahil muttuɗig enanag okkunu amu, da mir kalu muttuɗig enanag, alo kalu muttuɗig enanag, sinamon kalu muttuɗig enanag ele niiak aben dahilppa gokkaɗmi.

Solomonnu Ahi 1:3

Leppu muttuɗig ena ele na laidttem am muttuɗig enanagnab ele. Ao, laa nug leppu muttuɗig ena ele amu gokkaɗeb, muttuɗig huana okku, am na onin am amubia. Ge, am anam, am diig amunu ah bau na waatad daatteb ele, ag nahipnu oolag mauhtte!

Solomonnu Ahi 3:6

Laa nug atu taɗakppanu aab kah taata, wan ele aɗeɗe gotte bia uɗitte am aun? Ge, laa imu nug leppu muttuɗig enanag, mir, frankinsens, spais laa oh ele laihnu awa, dadennu mak danab dilagppanu awak, nug amuppa beɗu laitte, nuhigppanu muttuɗig enanag oowo doottem ele amu, nug am aun?

Solomonnu Ahi 4:10

O ah dahil, na dahil ah daakkutnu awidmi. Nahip oo mauhaknu amu, da enanagnab doottem, am ubuhi ele. Da wain lakkulnu ool hette, amge nahip oo mauhak amu, am wain lanak eɗitta auta autanab aotte! Spais ena ena digdig am muttuɗig enanag, amge leppu muttuɗig enanag na beɗunppa laidttem amu, muttuɗig amuam spais amunu muttuɗig eɗitta auta autanab aotte.

Jon 12:3

Ee lanana, Maria nug leppu muttuɗig enanag, uug nuhig 350 gram, nuhig daden okkai ele amu, nug amu awa, Jesus baeg gokkaɗ qettowa, ikki uɗugppa Nug baeg oppiom. Ag leppu amu bala laa onig nad, amuppaib heppig. Anam he, leppunu muttuɗig lag amu oh tona malom.

Aposel 28:15

Ig Rom gokkunignu teutut, Romnu Kristen ag ig ukkautut doona, laala ag ig uɗanig tekkulagnu ahan, ee daden maknu aben onig Apius appa gona, laala ag aben laa onig Hik Awak Lag Okkai Ewam appa ele gona, aben aɗit amuppa ag ig anigppig. Pol nug anatta, nug Kayak amegppa “Ena heme,” ana, ooppa ɠagattag awom.

Ikki Danab 9:9

Ag anam appig, amge nug uua aum. ‘Da eppelad ulah diieb, ad laa attan wana dona, wana dokkulagnu da meul, danab ah ag amuppa goɗen aonna, ag Kayak binag menana, danab ah ele ehanadtteb, da meu amu okkulnu uuen, hamu anam daakkul am enate? Iitta! Amunu da anam king daakkulnu ii hepa,’ awa aum.