Prowerb 27:8 - Nobonob Baibel

⁸ Danab nug appag diig uua, yawaia oitte; nug am ai laa teɗ uuitta, aha hagagɗa mauhnoak oitte, nug amubia daatte.

Prowerb 27:8 ပူးပေါင်းရင်းမြစ်များ

Aisaia 16:2

Moap ah ag oolna gona, Arnon leppa, le baag qak daattebppa, ag appa daanna, ag geha adeppa gokkulagnu amu, ag ii doomna. Ag ai nug nuhig kekeɗ teɗ nuhigppa daatte doya, eɗua gokkunu elele iitta amunu, oo uug ele hagagaɗa laih ukka, laihnu eɗua uɗitte, ag amubia hekkulag.

Prowerb 21:16

Danab nug diignu doyak tutukku ii dim lamidtte; nug danab ag mauhppig, nug amu dilagnu ele daaglagnu hette.

1 Korint 7:20

Danab anen anen Kayak Nug ag onilagppa eum amu, haen amuppa ag dayak atten ⌊Kayak maattom,⌋ ag amuppa daappig amu, ag amuppa dayeg!

Jona 1:3

Yawe Nug anam aum, amge Jona nug Yawe aum amu uua, aha oola, Tarsis aab okkaippa gokkunu ukkom. Nug aha gokkunu ukka, Jopa aabppa noa, nug uub laa Tarsis gokkunu heehe mattia antta, daden ma, uub attan ta ukkom. Nug Yawe uuitta, oola gokkunu dabmeum.

1 King 19:9

Aria, Elaiya nug Horep ukka, nug appa men oɗe laa antta, nug men oɗe amu ooppa ukka, tuqan niiom. Niia ahe, Yawe Nug nuhig nai imu mettom. “Elaiya, na ippa aɗi hettem?” awa oɗ mettom.

1 Samuel 22:5

Dawit nug ban haknu aben ɠagattagppa, nug appa dayeye, deɗ laa propet onig Gad, nug Dawit amegppa aum. “Na ippa aib daame. Iitta. Na ahan, eɗun Juda wanppa ukke!” awa aum. Nug Dawit amegppa anam a, Dawit nug aha eɗua, Juda ukka, aben laa ad kuɗum ele, aben laa amu onig Heret adappig amu, nug appa ukka dayom.

Prowerb 26:2

Danab laa nug eheɗ laa ii heum, me danab ag nug eheɗ laa awaknu anak waappa daakkunu akkulag dayeb, nai amuam meu ii oma; nai amuam ai naunau ag hagagaɗna laih laih gona, aben laippuppa ii daatteb, am amubia, nai amu danab amu, nuhigppa ii daama.

Genesis 4:16

Anam daye, Kain nug Yawe toppanu aha ukka, wan laa onig Nod, amuppa ukka oiyom. Nod nug Idennu kaɗag uɗitteppanu dayom.

Jut 1:13

Ag am yu duban qa uɗia koɗkoɗ qa ukka, hipaɗ aha hakkab daatte bia daatteb. Yuppan hipaɗ ahak miag atiak daatte, amubia ahilag uɗa nak kobol miag atiak daatte. Ag hoɗoppai habppa daanna, mauhnoak oitteb bia amunu, Kayak Nug aben gatatu teppu naunab babaittom daatte, geha ag amuppa hanhan daaglag.

Genesis 21:14

Kayak Nug anam a amu, deɗ amu uue, wagɗe buttuanab Abraham nug ee laa, amu nippud doɗ gaɗappa hak ele awa, le ita, keeke amu oh Hagar gugappa mewowa, amu he gopiɗ. Hagar nug ukka ukka, atu taɗak onig Berseba, amuppa hamu oiyom.

Prowerb 27:7

Danab nug oo dittiak dootte, nug uppuh leppu, ⌊aɗitai ee laa ele⌋ lakkun uutte; amge danab nug enug qette amu, nug ee lanak baag ninig ele ubuhi bia doyaya latte.

1 King 11:22

Nug anam aum, amge Paro nug inam Hadat amegppa aum. “Na ippa daanna, na aɗi keekenu tutu meme amunu, na nahip wanppa eɗun gokkutnu attem?” awa oɗ mettom. Nug anam awa a, Hadat nug eɗua Paro amegppa aum. “Da keeke iitta, hamu dayeye gokkulnu ii attem. Iitta. Amge na da gokkulnu appe, da gokkulnu ool daatte,” awa aum.