Prowerb 22:9 - Nobonob Baibel

⁹ Laa nug laa keeke mettaknu oo qak iitta danab, nug itittak ena aokku; amunu diig am, nug daɗek ee madatte.

Prowerb 22:9 ပူးပေါင်းရင်းမြစ်များ

Sam 112:9

Genab tutukku hak danab nug daɗek danab huana ehanadtte. Ao, nuhig genab tutukku hak kobol am hanhan alet daatte. Ge, nug danab laa noolagppa binag okkai ele daakku.

Prowerb 11:17

Danab nug oo bodoettak danab daatte amu, nug nukka, nug ehanidtte; amge danab nug laa guittak madakkunu uug laa ii dootte amu, nug nukka nug uug he, beɗuppa bette.

Prowerb 11:25

Keeke mettaknu oo qak iitta danab, nug am keekenu elelenab daakku. Ao, danab nug laa ehanadtte, nug geha ehanittak aokku.

Prowerb 11:27

Laa nug kobol ena laa dilagppa hekkunu tuɗid hette amu, laa ag nuhignu ena dooglag; amge aun nug laa eheɗ anidkkunu mattia oitte amu, nug eheɗ aokku.

Prowerb 14:21

Danab nug mudippan laippunu ena iinab dootte amu, nug aakku hipunin hette; amge danab nug daɗek ehanadtte, nug itittak ena awom daatte.

Prowerb 19:17

Aun nug daɗek ehanadtte, amuppa nug Yawe keeke lon mettom bia hette; Yawe Nug nug heumnu nob ena eɗua medakku.

Prowerb 21:13

Daɗek danab ag laa ehanadkkunu oɗ medappeg, nug ahilag nai ii dookku dayeb amu; haen nug ehanittak aokkunu oɗmak heeb, auntai laa nuhig unuqittak ele ii dooma.

Prowerb 28:24

Aun laa nug mameg o anignu keeke yab awa, “Imu eheɗ iitta,” akku; nug am laa keeke he nauhtte layag daatte.

Prowerb 28:27

Aun nug daɗek keeke madatte, nug bau dayaknu keekenu tutu ii mema; amge danab ag laa nug laa daɗek daaegeg, ii ehanadtte amu, nug eheɗ laa awaknu anak waappa daakku.

Prowerb 31:20

Daɗek danab nuhigppa ehanittak aoglagnu uɗitteb amu, nug ii lamadtte; danab keekenu tutu mak ele, nug ag ele ehanadtte.

Aisaia 32:8

Danab nau ag anam hetteb, amge danab ena, kobol tutukkuib dim lamidtte ele, nug hanhan dabmak ena, tutukku ele aakkuib haen oh awawa, enaib hekkunu dabmak aotte. Nug dabmak anam awawa, nug ɠagattag hibaitta daatte.

Matyu 20:15

Nug anam ana, nug tuɗitta aum. ‘Da dahil keekeppa, keeke laala hekkulnu ool dayeb amu, da hekkulnu elele iittate? O iitta, da danab imu laa oh ehanadkkulnu hettem amu, na amunu amen qe, oot elele ii daattete?’ ” Jesus Nug anam aum.

Mak 7:22

baubau awaknu hik qak kobol, oo aeg bak kobol, nai hambuppuak anak kobol, gappai heeb baknu kobol, laan ameg qe oo elele ii dayak kobol, danab laanu baeg qak nai anak kobol, beɗuppa tak kobol, amu Kayak dab-ii-maama hak ele.

Luk 14:13

Iitta. Haen na ee naɗi hekkutnu henana, aria na daɗek danab, danab ebehilag kaliak ele, danab baelag nau autaut oitteb ele, amu danab amelag gaɗuak ele onilagppa ekkut.

Aposel 20:35

Da Naɗi Jesusnu nai laa dabmeinne, da ehanittak kobol amuppa amu, da ag danab ah, keeke iitta, hamu daatteb, ig ag ehanadkkunignu daattem amu, da kobol amuppa ag ehanadkkulagnu ib ippunadmi. Jesusnu nai amuam inam. ‘Danab nug danab laa keeke metta, itittak ena aotte, itittak amuam danab nug keeke awa, itittak ena aotte, itittak amu eɗidtte.’ ”

Duteronomi 28:56

Am ah laa ag oolagppan, nug hanhan laa dilagnu oo doyak okkai dootte ele, nug kakah laa keeke, nug keeke amu nauhmanu dabmak okkainab aotte ele, haen nau amu beeb, haen amuppa nug gamu nuhignunab, nug nuhignu oo mauhtte ele, nug nuhignu, o bekkanu, o aɗegnu ena ii doya, ee keeke madakkunu uua doyaya,

Hibru 13:16

Amu ag kobol ena hekkulagnu, ag lailkad keekenu tutu mak ele nug ehanittak kobol ele hekkulagnu aib daulag atiom. Aɗinu? Kayak Nug amunu mana mettak bia doya, oo ena daatte.

Hibru 6:10

Kayak Nug epeɗiak eheɗ laa ii hette amunu, ag uɗat nuhig heppig, ag nuhignu oolag mauhtte dabmenana, nuhikkud danab ah oppiaawak ele ehanattegeg uɗie gemu ele anam hetteb amu, Nug amu oh daug ii atima.

1 Pita 4:9

Ag lailkad dilagnu nug ehanittak kobol naittuɗ mak iitta ele dim lamidna heig!