Prowerb 22:5 - Nobonob Baibel

⁵ Ib laa, nau hak danab nug dim lamitta oitte amu, ib amuam ib uud keeke qaun ele, o ib laa pelem mak ele, am ib amubia daatte; amge laa nug nukka, nug nuhig oiyaknu dabmetta atognotte amu, nug nau hak danab dilag awaitta, uma daatte.

Prowerb 22:5 ပူးပေါင်းရင်းမြစ်များ

Job 18:8

Aɗinu? Ai laa nug oiyaya, uhuippa tette, amubia nau hak danab nug nauhtte. Ao, ai nug hamu oiyaya, uhuippa ta, uhuinu muɗippa nauhtte, amubia nau hak nug nauhtte.

Sam 11:6

Am kalu laa huana eotte onig salpa ewawa, ad ewatte nauhtteb, amu ulah gakkaɗak iwala, ad bau he qaɗaiedatteb, amubia Yawe Nug geha nau hak danab bu madakku.

Sam 91:1

Laa nug Kayak Attannab Laa Oh Eɗattak guppiɗ dimugppa daatte amu, nug Kayak Nukka Ɠagattag Oh Ele, nug nuhig dabmettak waappa daakku.

Prowerb 13:15

Danab ah ag diignu doyak tutukku ele ag laa dilag neekkakppa ena daatteb; amge laa ag Yawe ippuanattom bia Nug dim lamidkkulagnu uun hetteb ele, ag uug anidtteb.

Prowerb 13:3

Aun laa nug aɗi attenu dabmetta auta aotte, nug am bau daakku; amge aun laa nug nai doyak iitta, diignu doyak tutukku iitta ele maditte amu, nug am nauhkku.

Prowerb 15:19

Danab bahi iittanab ele amu, nuhig bau dayaknu oiyak am, laa nug ib uud keeke qaun eleppa keldoak dayeye akkula gotte, amubia nug uug kuɗum anidtte; amge genab tutukku hak danab nug ib enanagppa gotte.

Prowerb 16:17

Genab tutukku hak danab ag kobol eheɗnu awaidna daatteb; aun nug aɗi hettenu atognoa dabmette amu, nug bau dayak nuhig aakku atognotte.

Prowerb 19:16

Aun laa nug Yawenu ippunittak nai doya dim lamidtte ele, nug nukka nug bauklel nuhig dabma auta aotte; amge aun nug Yawe oɗe ii dim lamidtte, nug mauhkku.

Prowerb 22:4

Danab nug nukka onig qe nette, nug Yawenu ebehi oh bodoetta le mak ele dootte amu; nug en, binag, bau dayak ele aokkunu ib aakku matultte.

Prowerb 29:6

Eheɗ hak danab nug hipunin hette amu, hipunin amu ag pelem bia daaegeg, doɗ pelemppa tette bia, danab nug pelem amuppa tette; amge genab tutukku hak danab ag ahi ettanna, gamag ahak dootteb.

Prowerb 4:19

Anam, amge nau hak danab dilag ib amu gatatu naunab bia; aɗi keeke he, ag nena qetteb amu, ag ii dootteb.

Josua 23:13

ag imu tutukkunab doyeg! Yawe, ahilag Kayak, Nug baula heeb, ag Israel, ag Kanan danab ii lamadmana. Iitta. Ag anamib daanna, eheɗ hekkulagnu eeɗadnana, ag am uhui, o pelem bia, ag Israel, ag amuppa tekkulagnu daaglag. Ag heppeg, ag Israel, ag am danab nug qaietta ugakka, qettippa guittak dootte, ag amubia doonna daaglag. Ag qaun laa amegppa ya daatte, ag ahilagppa anam bia daaglag. Wan imuam enanag, Yawe, ahilag Kayak, Nug ag madatte, amge ag Kanan danab ele laippu daaglag dayeb amu, Yawe Nug heeb, ag Israel ag ippa ii daamna. Ag wan imuppanu iitta mekkulag.

1 Jon 5:18

Ig doottem, danab aun nug Kayak bekka daatte amu, nug hipuninppa ii oitte. Kayak Bekka Jesus, Nug nug atognotte. Satan nug danab amu nakok laa ii aɗatte.