Prowerb 20:4 - Nobonob Baibel

⁴ Danab bahi iittanab ele nug haenppanab dad uɗat ii hette; amunu ee meu awak haenppa, nug ee meu laa ii anidtte.

Prowerb 20:4 ပူးပေါင်းရင်းမြစ်များ

Prowerb 10:4

Am na bahin iitta daan, uɗat ii hekkut dayeb, na daɗek daakkut; amge na yagbak doon uɗat hekkut dayeb, na keeke ele daakkut.

Prowerb 13:4

Danab bahi iittanab ele nug keeke aokkunu dabmak okkai aotte, me nug aɗitai laa ii aotte; amge danab nug yagbak doya uɗat hette, nug keeke oh oo hette ele, nug elele aotte.

Prowerb 19:15

Danab bahilag iitta ele, ag niiak huana hetteb; danab ag uɗat laa ii hetteb, ag am enug daaglag.

Prowerb 19:24

Danab nug bahi iittanab, nug nuhig ee huɗubppa yaatte; amge nug bahi iittanab amunu, nug huma awa, oɗeppa nakok laa iinab inama!

Prowerb 20:5

Maittak danab oolag unuqagnab daatte, amuam keeke le unuqagnab daatte bia; amge danab nug diignu doyak tutukku ele, nug he, maittak amu miag atitte.

Prowerb 21:25

Danab bahi iittanab nug niikkunu oo huana hette amunu, nug padal mekku; amunu diig am, nug uɗat hekkunu uua hette.

Prowerb 24:34

amunu, pahanab, yab danab nug laan keeke awe, laa nug keeke iitta daatte bia, na anam aakku pahanab daɗek daakkut. Ao, pahanab yab danab, nug lat keeke ele, nug danab laanu keeke awe, laa nug keeke iitta daatte, anambia na pahanab daɗek daakkut.

Prowerb 6:6

Aun na bahin iittanab amu, na gona kakah anadna neekkadna daye! Ao, na neekkadna autna aon daanna amu, na doyak dabmak ena ele awe!

Eklisiastis 11:4

Danab nug ulahnu, o aam naknu keeke, nug amunu dabmak okkai aokku dayeb amu, nug keeke laa ii eppama; nug gu nekkunu dabmak okkai aokku dayeb amu, nug ukka, ee oɗuom ele ii aoma.