Prowerb 20:2 - Nobonob Baibel

² Kingnu oppoɗi bak amu laion baunu gayak bia; aun nug kingnu oo nauhak heeb bekku amu, nug mauhkku.

Prowerb 20:2 ပူးပေါင်းရင်းမြစ်များ

1 King 2:23

King Solomon nug nai amu nug anig amegppa ana, nug nai tuɗitta, Yawe onigppa nuhig nai ɠagattag qetta, nug inam mattiom. “Adonaiya nug nai imu mattiom amu, nug eheɗ heum amunu, da nug qeppi mauhkku. Amu da nug ii qeppi mauhkku amu, Kayak Nug bu okkainab meɗakkunu ool daatte!

1 King 2:24

Genab, Yawe, Nug da ehaniɗa, ɠagattag meɗe, da mamel Dawit abenabppa king daattem, amu Nug anukka dahilnu, da buɗulad dilagnu ele nai qakka, da, amu da buɗulad ele, ig sia king imuppa daagnignu aum bia amu, Nug aakku heum. Yawe Nug anam heum, Nug genab bau daatte, genab amubia Adonaiya nug gemu mauhkku,” awa aum.

Prowerb 19:12

Kingnu oppoɗi be ameg kokoɗ eppak am laion baunu gayak bia; amge ena doyak nuhig am gikkiɗahppa baito daatte bia.

Prowerb 8:36

Amge laa nug da ii mattiɗa aniɗtte amu, nug aakku nukka nuhignu eheɗ hette. Ao, laa oh ag dahilnu nau ninig ele dootteb amu, ag aakku mauhkkulagnu ib oɗeppanab daatteb.” Doyak Dabmak Ena Ele nug anam aakku ette.

Eklisiastis 10:4

Nahip okkai nug nahipnu oo nauhkku dayeb, na uɗat hekkutnu daattem, na uɗat amu aib uume; na ootppa maɗoɗ doon daye! Aɗinu? Kobol amuam kaliak okkai heeb, elele daakkunu elele.

Hosea 11:10

Geha, haen amuppa Israel danab ah ag da, Yawe, ag da dim lamiɗkkulag. Geha da laion huana gaatte, da anambia huana onilagppa ekkul. Da anam hekkul amunu, danab ah dahilad, ag qaban uɗitteppanu, beɗulag hahaɗebeb uɗiglag.

Amos 3:8

Laion laa nug gaya malom, danab laa nug iite baɗakku? Ao, amubia Naɗi Yawe Nug nai mattia malom, propet laa nug nai amu doyom ele, nug nuhig nai amu iite tuɗitta mehuqa, laa amelagppa madikku?

Habakuk 2:10

Na danab ah kuɗumnab hadappe nauhkkulagnu maittak aome. Ao, na amu hena, na tiinad laippu uɗa nak mattan, na nakka hena, na mauhkkut.

Namba 16:38

Bras tappiɗ amu, danab ag hipunin qeppig ele, ag aɗappig. Ag hipunin qeppig amunu, mauhppig. Bras tappiɗ amu danab mauhppig ele, ag amuppa mana mettak hena, ag aon, da, Yawe, da gumiɗna uɗina, da meɗappig amunu, tappiɗ amu ag dahilnu tituanak daatteb amunu, na heppe, hamappa oadppeg, otalna, teppu iitta beppeg, ag qaɗab dahil qaɗeppa maatteg! Na anam heppe, amuam Israel danab ah dilag at dayebeb anidna, ag hipunin hemananu dabmekkulag,” awa aum.