Prowerb 2:7 - Nobonob Baibel

⁷ Amu Yawe Nug danab ah ag genab tutukku hak danab daatteb ele ehanatte, ahilkad kekeɗ eɗadtteb. Ao, Nug aun aɗi ag nuhig neekkakppa danab ooppa kaliak laa iitta ele oitteb ehanatta, ahilag guppiɗ daatte.

Prowerb 2:7 ပူးပေါင်းရင်းမြစ်များ

Job 28:8

Doɗ laala ag doɗ laa ii baɗadtteb ele, ag appa nakok laa iinab oitteb. Ge, laion laa appa nakok laa ii oitte.

Sam 144:2

Nug am dahil Kayak, Nug dahilnu oo mauhaknab dootte. Nug am aab aɗ ɠagattagnab ele dahil bia daatte. Nug anam dayaya, Nug da uugppa daaiyi ehaniɗe, da ena daattem. Nug am dahil guppiɗ. Uug iukkunu heehe, da padal mak eɗitten ena daakkulnu nuhigppa gottem. Nug he, wan laappan danab ah ag da waalppa daatteb.

Sam 3:4

Da Yawenu huana gaai, Nug nuhig qaukoppanu, qauko amuam nuhignu tituanak daatte amu, appanu Nug da oɗelppa awom. Sila.

Sam 84:11

Aɗinu? Yawe Kayak Nug am ihinig amahlak, guppiɗ ele daatte. Nug ii helo bia me, Nug ehanittak kobol dim lamidttatta, Nug binag okkai ele megatte. Yawe Nug danab ah nuhikkud ag nuhig neekkakppa oolagppa kaliak laa iitta ele amu, Nug ag keeke ena ena oh madatte.

Prowerb 14:8

Eheɗ bemanu dabmak awa dabmak amu dim lamittak danab nug nuhig doyak dabmak ena ele uɗat metta, nug aɗi keeke hette, nug amunu dabma auta aotte; amge danab nug Kayak dab-ii-maama ii dim lamidtte ele, nug Kayak dab-ii-maama hak kobol dim lamittatta, nukka buppuidtte.

Prowerb 28:18

Laa nug Kayaknu neekkakppa danab ooppa kaliak laa iitta ele amu, Kayak he, nug padal ii mette; amge laa nug eheɗ haknu nug tiigppa daatte ele, nug pahanab na qekku.

Prowerb 30:5

Keeke oh Kayak Nug atte am genabib; Nug laa, ag Nug ahilag padal mak eɗitteb ena dayaknu ehanittak daakkunu nuhigppa dotteb amu, Nug ahilag guppiɗ daatte.

Prowerb 8:14

Danab ulum nai ena mettak, aria epeɗia ha dabmak ena awak ele dahilppa daattep. Ge, diignu doyak tutukku, amu ɠagattag ele dahilppa daattep.

1 Korint 1:19

Nai amunu Kayak naippa, nai laa daatte. Nai amuam inam. “Da geha danab doyak dabmak ena ele dilag doyak dabmak ena ele heppi nauhkku. Ao, danab ag doyak okkai ele, ahilag doyak okkai amu da heppi, iitta mekku, baula ii daama.”

1 Korint 1:24

Juda, amu Grik danab ele ag anam hetteb, amge ig danab, Kayak Nug oninigppa ette doottem ele amu, ig Juda danabte, o Grik danabte, amuam keeke hamu, ig doottem; Kristus Nug am Kayaknu ɠagattag, amu Kayaknu doyak dabmak ena ele.

1 Korint 1:30

Kayak Nug aakku he, ag Kristus Jesusnu daatteb. Kristus Nug am doyak dabmak ena, ig Kayaknu aottemnu diig. Gemu ig genab tutukku hak danab daattem, ig oppiaawak ele daattem, amu ig gemu qagaiettakppanu eɗua uhuqak aomut daattem, amu oh Kristus, nuhigppaib beppig daatteb.

Kolosi 2:3

Nuhigppaib doyak dabmak ena ele oh, amu doyak oh ele lokkuma daatte.