Prowerb 2:5 - Nobonob Baibel

⁵ na geha ib amuppa Yawenu ebehi oh bodoetta le mekkunu kobolnu diignu doyak tutukku aokkut. Ao, na ib amuppa Kayaknu doyak mattin anidkkut.

Prowerb 2:5 ပူးပေါင်းရင်းမြစ်များ

Job 28:28

Nug amu ha, nug danab ah amelagppa aum. ‘Doyak dabmak ena ele amu, amuam dahilnu ebehi oh bodoetta le mak. Ao, diignu doyak tutukku amu, amuam eheɗ laa ii hemanu dabmaama oiyak.’ Kayak Nug danab ah amelagppa anam aum.” Job nug anam aum.

Prowerb 1:7

Amu Yawenu ebehi oh bodoetta le mak kobol am doyak digma awak aakku; amge danab ag Kayak dab-ii-menan ii dim lamidtteb ele ag doyak dabmak ena elenu, aria tolittak awaknu ele, ag amu dilahnu ena iinab dootteb.

Prowerb 28:7

Nid nug Kayaknu ɗo doya, dim lamidtte, nug am doyak dabmak ena ele aɗatte; amge nid nug laa ag oolagppa dubuttid huanak ele, nug ag ele layam daatteb, nug mameg uɗa nak nau guittak ele medatte.

Prowerb 8:17

Amu aun laa ag dahilnu oolag mauhtte amu, da ahilagnu ool mauhtte; am laa ag da aniɗna dim lamiɗkkulagnu mattiɗtteb, ag da aniɗtteb.

Prowerb 9:10

Amu Yawenu ebehi oh bodoetta le mak kobol, amuam doyak dabmak ena ele digma awak aakku Ao, Kayak, Nug oppiaawak ele, Nug dooittak am he, diignu doyak tutukku aakku bette,

Aisaia 33:6

Nugib ig ena daagnignu ukkunab daatte. Doyak dabmak ena ele, doyak, amu padal mematanu ehanittak ele Nug eppegppa huanak, ig aognignu daatte. Danab nug amu aokkun amu, nug Yawenu ebehi oh bodoetta le meeb oiyaɗ! Nug amu hekku amu, nug amu oh aokku.

Jeremaia 24:7

Da heppi, ag da Yawe, ag da dooiɗkkulagnu, ag oolag okkai daakku. Ag oolag eɗueb, ag meulag ohppa dahilnu daaglagnu oolag daakku amunu, ag dahilad danab ah daaglag, da ahilag Kayak daakkul.

Jeremaia 31:34

Amu da heppi, ig nug tituana nai qakkak amu heta malota amu, danab laa nug layagtai, o awagtai, o amagtai baula amegppa, ‘Na Yawe doye!’ ii ama. Iitta. Ag anam ii amananu diig am, ag ohnab, danab onig iitta, danab onig okkai ele, ag oh da dooiɗna oiglag amunu, ag laa nug laa amegppa, ‘Na Yawe doye!’ akkunu ii hema. Aɗinu? Da ahilag nau hak uhuqen madakkul. Yo, da ahilag hipunin daul atikku.” Yawe Nug anam atte.

Jeremaia 9:24

Nug keeke amunu dabmaama, nug nukka nug onig aib humom. Iitta! Laa nug da dooiɗa, nug dahil hak, amuam da Yawe, da danab ah dilagnu oo mauhaknab kobol, nai doya mala hettoɗia epeɗia elele mettak kobol, amu genab tutukku hak kobol ele dim lamidttem amu, nug amunu diignu doyak tutukku ele, nug keeke aɗit amu dabmaama, da onil humaɗ! Da hak amu dim lamidttemnu diig am, kobol amunu da enanagnab doottem.” Yawe Nug anam atte.

Hosea 6:3

Ig Yawenu doyaknu wagai metu! Ao, ig Yawe doognignu wagai metu! Ig anam hekkunig amu, aam nug genab buttua hanhan bette, genab amubia, Yawe Nug uɗia, ig ehanigkku. Ge, gu oug haen iitta metteppa hanhan nette, amubia Nug genab uɗia, ig ehanigkku.” Israel ag anam akkulag.

Matyu 11:27

Jesus Nug anam ana, Nug baula tuɗitta aum. “Da Mamel Nug keeke oh da eppelppa meum. Amu danab laippu laa nug Kayak Bekka ii dootte. Kayak Nug nukkaib Nug dootte. Ele amu, danab laippu laa nug da Mamel ii dootte. Iitta. Da, Kayak Bekka, da aakkuib Nug doottem, amu danab, da ag da Mamel ippunadttem ele, ag Nug dootteb,” awa aum.

Luk 10:22

Jesus Nug anam ana, Nug baula tuɗitta aum. “Da Mamel Nug keeke oh da eppelppa meum. Amu danab laippu laa nug Kayak Bekka am aun ii dootte, Kayak Nug nukkaib dootte. Ele amu, danab laippu laa nug da Mamel, Nug am aun ii dootte. Iitta. Da, Kayak Bekka, da aakkuib doottem, amu danab, da ag da Mamel am aun ippunadttem ele, ag amu dootteb,” awa aum.

Jon 17:3

Bauklel hanhannu, amuam danab ag na Kayak, na nakkaib am Kayak genab, amu da, na bekkat, na da meiɗe uɗimi amu, ag i oh dooitkkulagnu daatte.

1 Jon 5:20

Ao ig ele doottem, Kayak Bekka Nug uɗia, ig Mame genab, Nug doognignu diignu doyak tutukku mekkom. Amu laa, Kayak Nug am genab diig, amu ig nuhigppa daattem, amu ig Nug Bekka Jesus Kristus, nuhigppa ele daattem. Kayak Nug am Kayak genab, Nug bauklel hanhannu diig ele.