Prowerb 2:22 - Nobonob Baibel

²² Anam, amge nau hak danab dilagnu amu, Kayak Nug heeb, ag Israel oolagppanu geɗittak daaglag. Ao, laa ag Yawe ippuanattom bia Nug dim lamidkkulagnu uun hetteb ele amu, Kayak Nug heeb, ag Israel oolagppa iinab daamna.

Prowerb 2:22 ပူးပေါင်းရင်းမြစ်များ

1 King 14:14

Am Yawe Nug geha danab laa Israel dilag king bekkunu tituankku. King amu nug ba, geha Jeroboam baegppan oh heeb iitta mekkulag. Geha, keeke amuam paha bekku; pahanab bekku.

1 Stori 10:13

Saul nug Yawe ippunittom bia Nug dim lamidkkunu oo metta ii uuak kobol ii dim lamittom amunu, nug mauhom. Amge nug nau amuib ii heum. Iitta! Nug amu haaha, nug ele nau laa ele ha, nug mauhak ele gamag ah doyak medakkunu oɗ mettom.

Job 21:30

Amuam inam. Kayak Nug danab ah laa oh bu madakkunu heehe, eheɗ hak danab ag bu ii aotteb. Ao, laa heehe, eheɗ hak danab ag bu awak haenppa bu ii aotteb.

Sam 104:35

Hipunin danab ah oh, wanppa iitta mena malaglagnu ool hette! Ao, nau hak danab ah ag qettoɗna, iittanab mekkulagnu ool daatte! Dahilnu amu, da Yawe binag humakkul. Ag Yawe binag meig!

Sam 145:20

Yawe Nug aun aɗi ag nuhignu oolag mauhehe daatteb ele amu, Nug ag dabmadatte, amge aun aɗi ag nau hak danab daatteb ele amu, Nug ag hatte nauhtteb.

Sam 37:20

Amu nau hak danab ah ag mauhkkulag. Ao, Yawenu kekeɗ ag dad okkaippan bala haɗag, bala haɗag amu ag laippun mauɗna nena qetteb, ag amubia hekkulag. Ge, Yawenu kekeɗ ag kahug laippun ukka qettoɗtte bia hekkulag.

Sam 37:22

Amu Yawe Nug danab ah itadtte ele amu, ag geha ag aulag wan imu aɗan daaglag, amge nug laa ag eheɗ laa awaknu anak waappa daaglagnu atte, ag mauhkkulag.

Sam 37:28

Aɗinu? Yawe Nug danab ah ag nai doya mala hettoɗia epeɗia elele mettak kobol hetteb amu, Nug amu dilagnu oo mauhtte. Nug danab ah ag oolag Nug mettan, amu haknu ii uun oitteb amu, Nug ag ii uuadma. Nug am genab tutukku hak danab hanhan atognoadkku, amge nau hak danab ag buɗulkad iitta daaglag.

Sam 52:5

Amge Kayak Nug heeb, na nauhna, iitta mekkut. Ao, Nug na ɠagattagnab aɗaitta, Nug na baenppan oolagppan awitta, buɗitteb, laih gokkut. Ge, Nug heeb na mauhkkut. Sila.

Sam 52:7

“Danab nug Kayaknu padal mak eɗitteb ena dayaknu ehanittak daatte ii dabmette ele amu, nuhigppa bette umu antteg! Nug nuhig en okkai nug ehanidkku dabmeum, ⌊amge ii ehanittom⌋. Yo, nug nuhig eheɗ hak nug ehanidkku dabmeum, ⌊amge ii ehanittom⌋,” aon akkulag.

Prowerb 10:30

Genab tutukku hak danab ag ɠagattag daaglag; amge nau hak danab ag wanppa ii daamna, ag iitta mekkulag.

Prowerb 11:3

Genab tutukku hak danab ag oolagppa dabmak oiyak ele tutukkuib dayaknu kobol dootteb, ag amuppa ulum aon oitteb; amge danab ag Yawe ippuanattom bia Nug dim lamidkkulagnu uun hetteb amu, ag hambuppuak hena, padal metteb.

Duteronomi 29:20

Yawe Nug danab ah anamnu amu ena ii doyatta, ahilag hipunin iinab uhuqa mattama. Nug ahilagnu oppoɗi bak, oo aeg bak ele bekku. Eheɗ laa awaknu anak waappa dayaknu nai oh buk imuppa yaak daatteb amu, amu oh ahilagppa neeb, Yawe Nug geha heeb, danab ah amu ag iitta mena autna aoppeg, hab waappa amu, danab laa nug danab ah amu dilagnu baula dab-ii-mema.

Duteronomi 29:28

Yawe Nug oo nauhak huanaknab doya, oppoɗi ele be, Nug danab ah nuhikkud, ahilag wanppanu lamatte gona, wan laa dilagppa daappig; gemu ele ag amuppaib daatteb,” aon akkulag.

Duteronomi 7:22

Yawe, ahilag Kayak, Nug geha heeb, ag Israel, ag wan anen anennu dilag danab ah hubhub lamadkkulag. Ag haen laippuppaib heppeg, ii iitta memana. Ag anam hekkulag dayeb amu, geha doɗ dakkuɗ ag laippun appatna, kuɗum bekkulag.