Prowerb 2:12 - Nobonob Baibel

¹² Doyak dabmak ena ele ehanitteb, na nau hak danab eppelagppa ii daamna. Ao, na danab ag eheɗ haknu ag tiilagppa daatte amu, na danab amu eppelagppa ii daamna.

Prowerb 2:12 ပူးပေါင်းရင်းမြစ်များ

Sam 101:4

Da danab ag eheɗ haknu ag tiilagppa daatte ele, da ag guguattak ii daapa. Da kobol nau ohnu awaitte daakkul.

Sam 141:4

Na da ehaniɗppe, kobol nau haknu oo hak dahilppa ii daamanu oɗ medattem. Ao, na da ehaniɗppe, laa kobol nau hetteb ele amu, ag oolagppa dayaknu oo hak dahilppa ii daamanu unuqidttem. Danab eheɗ hetteb ele ag eheɗ henana, keeke aon, gamalag ahatte, amge da ag hetteb bia hepanu na ehaniɗna, na dahil ib amu oo nekkutnu oɗ medattem.

Prowerb 10:32

Genab tutukku hak danab ag haen adekkuppa aɗi nai mattiglagnu daatte, ag dootteb; amge nau hak danab ag nai eheɗ tutukku iitta aakkuib maditteb.

Prowerb 13:20

Aun nug danab doyak dabmak ena ele oitte, nug doyak dabmak ena ele awa oitte; amge aun nug danab ag Kayak dab-ii-menan ii dim lamitteb ele oitteb, nug nau anidkku.

Prowerb 23:33

Na lakkut dayeb amu, wain amubia am heeb, dimppa na keeke digdig anidkkut; na nahip dabmak kaaka qekku.

Prowerb 28:26

Aun nug, “Da dakka dahil oiyak, dabmak, keeke oh atognokkulnu elele,” anana, amunu ooppa genab dootte ele, danab amu nug Kayak dab-ii-maama ii dim lamidtte ele; amge aun nug doyak dabmak ena ele dim lamidtte, Kayak Nug heeb, nug elele daakku.

Prowerb 3:32

Aɗinu? Yawe Nug, danab nug eheɗ haknu nug tiigppa daatte, Nug nuhignu ena iinab dootte, amge Nug genab tutukku hak danab nuhig dabmak lokkumak daatte ippunadtte.

Prowerb 6:12

Am danab nug aɗi keeke ena ii hette, nug nau hak danab daatte, nug aha oiyaya, nug nai diig ena iitta, uɗig uuak ele maditte.

Prowerb 8:13

Aun laa nug Yawenu ebehi oh bodoetta le mette amu, nug eheɗ haknu kobolnu nau ninig ele dootte. Da, Doyak Dabmak Ena Ele, da dada kobol, beɗuppa tak kobol, eheɗ hak kobol, amu nai eheɗ tutukku iitta mattiak ele, da kobol amu ohnu nau ninig ele doottem.

Prowerb 9:6

Ag doyak ii awak ele aib tuɗidna daan oippig! Ag amu tuɗidna ii hekkulag dayeb, ag bau daaglag; ag diignu doyak tutukku aon oiyeg!” awa atte.

Aposel 20:30

Am ag akka ahilkad danab laala ag ahan, ag doyak diig genabib baolinna, ag Kristen eeɗadppeg, ahan dim lamadkkulagnu hekkulag.

1 Korint 15:33

Hambuppualadmananude dabmeig! Danab nau ag anam maditteb ele amu, ig ag ele oignig amu, geha ag ihinig dabmak heppeg kabolieb, ag oitteb bia oignig.

2 Korint 6:17

Nug anam aum, amu Nug baula ele aum. “Anam amunu, ag ahan hipunin danab uuadna, ag gona, aben laih piɗe daaglag. Ag keeke Kayaknu neekkakppa dubuttid ele aib aɗappig. Am ag anam heppeg, geha da dakka ag diiatten,