Prowerb 17:9 - Nobonob Baibel

⁹ Aun nug laanu hipunin daug atitte, nug oo mauhak kobol he, okkai mette; amge hipuninnu dimug ma mattiak, amuam layam otaɗtte.

Prowerb 17:9 ပူးပေါင်းရင်းမြစ်များ

Sam 32:1

Danab laa Yawe Nug nuhig hipunin uhuqa mettom ele, nug itittak ena awom daatte. Ao, danab laa Yawe Nug nuhig hipunin oppia mettom amu, nug itittak ena awom daatte.

Prowerb 10:12

Laa dilag nau ninig ele doyak kobolnu amu, kobol amuppa nug qak aakku bette; amge oo mauhak kobolnu amu, kobol amuppa laa nug layag nug hipunin nuhignu heum amu, nug hipunin amu oh uhuqa medatte.

Prowerb 16:28

Danab eheɗ haknu nug tiigppa daatte, nug he, danab laa oolagppa nug qak ahatte; danab nug laanu dimug nai mattiaya oitte, nug laa ag layam ena daan oitteb amu he, ahilagppa uug be, layam ena pagutteb.

Prowerb 17:10

Am danab nug laa diignu doyak tutukku ele daug batakku amu, laa amu nug ena oikkunu oo maittak okkai aokku; amge danab nug Kayak dab-ii-maama ii dim lamidtte ele amu, laa nug nug bu medakku dayeb, nug ena oikkunu oo maittak nakokib aokkutai.

1 Korint 13:4

Danab nug oo mauhak dootte ele, nug laa dilagnu paha eheɗ ii dootte, amu nug laa dilagnu oo bodoettak dootte. Nug laanu ameg qe oo elele ii dayak kobol ii hette. Nug nukka onig ii humatte, nug dada ii hette.

Jems 5:20

Amu kobol amunu nai imu ag daulagppa doaɗ! Danab aun nug he, hipunin danab nug eheɗ hak ib dimetta, Kayak toppa eɗua dotte amu, danab ehanittom ele nug aakku he, danab ib eheɗppa oiyom ele am padal ii mema; Kayak Nug nuhig hipunin kuɗum uhuqa medakku.

1 Pita 4:8

Ag lailkad dilag huana oolag mauhkkunu dabmak ahilagppa anuqak dayaɗ! Aɗinu? Layagnu oo mauhak kobol nug kobol eheɗ kuɗum tone iitta mette.