Prowerb 17:8 - Nobonob Baibel

⁸ Danab laa nug lokkumakppa eheɗ haknu ehanittak laa mette, laa nug oɗe dim lamidtte; laa amu hette amu, nug attem attem hette, am enaib he bette ⌊bia dootte⌋.

Prowerb 17:8 ပူးပေါင်းရင်းမြစ်များ

Genesis 32:14

meeme anig 200, meeme dawai 20, sipsip anig 200, sipsip dawai 20,

Genesis 32:21

Anam amu, Jakop nug keeke nug awag nuhig daakkunu hamu medakkunu dabma, nug keeke amu oh tatam he goppig, amge nug amu, nug tuqan amuppa haen tutu dayaknu aab kalakppa dayom.

Genesis 43:11

Anam awa a amu, ag mamelag Israel nug aum. “Ig ib laa iitta amunu, ag inam hekkulag. Ag wan imuppanu keeke ena ena laa, amuam marasin, uppuh leppu, spais digdig, mir, amu ad aɗit onilah pistasia, almon ele, amu meulti lanaknu ele laa aon, bek ahilkadppa inona gona, Isip danab amu, nuhig daakkunu hamu mettaglag.

Sam 18:16

Amu Yawe Nug attannab umanu eppeg bahia na, da aɗailom. Ao, Nug da, danab laa nug laa le naɗi ooppan ehanidtte bia da aben eheɗppanu ehaniɗa awiɗom.

Sam 19:6

Aam nug hab waappa laihnu ba, ippu dim lamitta ukka, laih notte. Keeke laa am aamnu gakkaɗak qe-eɗidkkunu elele iitta.

Sam 21:13

O Yawe, na danab nahip ɠagattag ippunadkkutnu unuqidttem. Na am ɠagattag okkai ele, amuppa na hak okkai okkai hettem. Amu ig ahi ettatta, hak okkai okkai amu dabmetata, na binan humagnig.

Sam 29:4

Yawe baag oqotti am ɠagattag. Yo, Yawe baag oqotti am laa nug dagom onig ɠagattag ele baag bia, amge amu eɗidtte.

Eksodas 23:8

Danab nug hettoɗiakppa nai hambuppuak genab daakkunu lokkumakppa eheɗ haknu ehanittak mattaknu ab amu, aria ag men doɗo amu aib aoppig. Aɗinu? Kobol anam, amuam he, hettoɗiakppan danab okkai dilag dabmak, amu danab laa dilag dabmak ele he kaboliattette, genab tutukku hak danab dilag nai ele he, kaliak daatte.

Prowerb 17:23

Nau hak danab nug lokkumakppa eheɗ haknu ehanittak aotte; nug hettoɗiak haenppa nai doya mala hettoɗia epeɗia elele mettak elele ii bemanu anam hette.

Prowerb 18:16

Am na danab okkai anidkkutnu gona, nug ena dookkunu na keeke nuhig daakkunu hamu mettaknu aon gokkut; keeke amuam heeb, na nug gumidna gokkut.

Prowerb 21:14

Laa oo nauhak dootte dayeb, keeke nuhig daakkunu lokkumakppa nug mettak amu, amuam he, oo nauhak bodoedatte. Ao, laa oppoɗi bak dootte dayeb, keeke nuhig daakkunu lamen waappa ma, awa ukka, nug mettak amu, amuam he, oppoɗi bak okkai aakku oug mette.

Eklisiastis 7:7

Danab nug doyak dabmak ena ele, amge nug kobol nauppa danab laa eppelagppan en aokku dayeb, nug aakku eɗua, danab nug Kayak dab-ii-maama ii dim lamidtte ele daatte; laa amu, lokkumakppa eheɗ haknu ehanittak mettak am he, laa aotte ele nug oo kaliak daatte.

Aisaia 1:23

Jerusalem, nahipad ikki danab ag am tappe nak danab. Ag yabhok danab ele layam batappig. Nahipad ikki danab ag lokkumakppa eheɗ haknu ehanittak aoglagnu oolag huana hette. Ao, nahipad ikki danab ag keeke ahilag daakkunu hamu mettak aoglagnu wagai metteb. Ag hettoɗiakppa nid ag mamelkad mauhppig ii ehanadtteb. Ag ah qab, ag amu dilag uug ele anidna, tutukku mettan ii ehanadtteb.

Amos 5:12

Aɗinu? Da ahilag tappe naknu ebqak okkai amu, da doottem. Ao, da ahilag hipunin, ag am eheɗ nau amu, da amu ele doottem. Amuam ag genab tutukku hak danab ele kekeɗ madatteb. Ao, ag lokkumakppa eheɗ haknu ehanittak aotteb. Ge, ag ele hettoɗiakppa daɗek danab dilagnu nai doya mala hettoɗia epeɗia elele mettak kobol ii dim lamidtteb.

Maika 7:3

Wan imuppan danab ag eppelag laih laih ohppa eheɗ hekkulagnu doon autna aotteb. Danab okkai ag laa ag ag lokkumakppa eheɗ haknu ehanittak madappeg, ib amuppaib ag ehanadkkulagnu atteb. Ao, epeɗiak danab ag lokkumakppa eheɗ haknu ehanittak aon, ag laa ehanittak amu mettom amegppa, “Na am tutukku heme; na eheɗ laa ii heme,” hambuppun atteb. Genab, danab ag ɠagattag okkai ele ag aɗi keeke aoglagnu oolag hette, ag aoglagnu anan heeg ukke, aakku aotteb. Danab okkai amu oh ag eheɗ anam hekkulagnu nai qakkan oitteb.

Duteronomi 16:19

Epeɗiak danab ag heppeg, nai doya mala hettoɗia epeɗia elele mettak kobol am kaliak aib dayom. Ag hettoɗiakppa laanu hamu ena hettana, laanu hamu, eheɗ aib heppig. Ag lokkumakppa eheɗ haknu ehanittak aib aoppig. Aɗinu? Kobol anam, amuam he, danab doyak dabmak ena ele dilag dabmak he kaboliattette, genab tutukku hak danab dilag nai ele he kaliak daatte.

1 Samuel 25:35

Dawit nug anam awowa, nug Abigel keeke awa uɗia mettom nug eppegppanu awawa, amegppa inam aum. “Nai nahip amu, da doomi, da geha na oot daatte amuib dim lamidkkul amunu, na oot maɗoɗ ele dayebeb, eɗun lautppa ukke!” awa aum.