Prowerb 17:5 - Nobonob Baibel

⁵ Danab nug daɗek awa awa aqadtte amu, nug laa Nug danab amu hattom ele, nug nuhignu, “Keeke hamunab,” dootte; am aun nug uug naunab nau, danab laa nuhigppa bettenu gamag ahatte, nug genabnab genab bu mettak ii eɗidma.

Prowerb 17:5 ပူးပေါင်းရင်းမြစ်များ

Job 31:29

Da kekeɗ dabmein, nug eheɗ laa awaknu anak waappa daakkunu ii ainne, hipunin amu laa ii hemi. Anam amge, da kekeɗ dahil nug na qe antten, da gamag ahak doolomlob, o iitta, da kekeɗ dahil uug nau qeum antten, diig amunu da gamal eheɗnab ahalolob amu, ⌊da Kayak eppegppa eheɗ aolom am elele, am tutukku⌋.

Sam 69:9

Ag dahilnu anam doottebnu diig am inam. Na lautppa, na ig attemnab daagnignu ippunigttem amu, da amunu yag-nab-bak doye hettem. Amu laa ele amu, danab ah ag na aon aon naunab nidatteb amu, nai nau amu dahilppa aakku uɗia, da yaaiɗtte.

Prowerb 14:21

Danab nug mudippan laippunu ena iinab dootte amu, nug aakku hipunin hette; amge danab nug daɗek ehanadtte, nug itittak ena awom daatte.

Prowerb 14:31

Danab nug daɗek dilag eheɗ hadatte amu, nug laa Nug nug heum ele, nug nuhignu, “Keeke hamunab,” aakku dootte; amge aun nug daɗek ehanadtte, nug kobol amuppa Kayak binag mette.

Prowerb 16:5

Yawe Nug dada hak danab dilagnu ooppa uuaknab dootte. Genab, na imu ootppa genab doye! Nug genab ag bu madakku.

Jeremaia 17:16

O Yawe, na nahipad danab ah gumattak uɗat imu da meɗame amu, da uuen oole, uɗat laa ii hemi. Na doottem, da deɗ laa na heppe, Juda danab ah imu ag nauhkkulagnu ool ii dayom. Da aɗi nai madittem amu, da na amenppanab madittem; da na doomnanu lokkumen madikkulnu ii hettem.

Esekiel 25:3

na, ‘Ag Amon danab ah, ag Naɗi Yawenu nai doyeg!’ awona, na Naɗi Yawe Nug inam atte appe doyeg! ‘Haen kekeɗ ag uɗin heeg, dahil mettid lag nauhom, haen ag heeg, Israel wan oh nauhaknab dayom, haen ag heeg, Juda danab ah ag Babilon wanppa diia ukka laih me dayak danab ah daaglagnu goppig, haen amuppa diig amu ohnu ag Amon, ag oolag gamag ahe, “Enanag, ig oonig anamib hette,” appig.

Obadaia 1:10

Amu Yawe Nug inam atte. “Aɗinu ag Edom danab, ag anam aoglag? Diig am iikku. Ag ag lailkad Israel danab ah guittak nau mauhnoak madappig. Ag amu heppig amunu, uɗa nak ag tonatta daakku. Ao, geha ahilkad kekeɗ ag ag oɗoɗadppeppeg, ag nauhna autna aoppeg, hanhan anamib daakku.

Obadaia 1:16

Amunu, qauko dahilnu tituanak daatteppa, appa dahilad danab ah ag bu awak okkainab aon malappig, amubia wanppan wan laa oh ag ele bu amubia, amge amu eɗittak aoglagoitte. Ag aona, ag ii daappig bia daaglag.

Rom 12:15

Danab ag maɗoɗppan gamag ahak dootteb ele, ag ele oh maɗoɗppan gamag ahak doyeg! Danab gaappeg, ag ele oh gayeg!

1 Jon 3:17

Amge danab laa nug wanppanu enub ele amu, nug layag keekenu daɗek daatte anitta, nug oo bodoetta le mak ii dootte ele dayeb amu, Kayaknu oo mauhak nug ooppa daattete? Iitta.