Prowerb 17:3 - Nobonob Baibel

³ Danab nug gol, silwa ele aab aɗuppa me, huananab gakkaɗe, le me, dubuttid laa daatte dayeb amu, danab nug ehale ukke, golppa o silwappa ii daatte; amge Yawe Nug ma anttak danab metta ha, Nug ib amuppa danab ooppa nau daatte dayeb he, miag atitte.

Prowerb 17:3 ပူးပေါင်းရင်းမြစ်များ

1 Stori 29:17

O Kayak dahil, da doottem, na danab oolagppa attem attem daatte, ag oolag italttem. Amu na danab nug nuhig dabmak oiyak ele am tutukkuib anidna, na amunu ootppa ena doottem. Anam amu, keeke imu oh da na mettami amu, da oo qak iitta ele, da dabmak genab dim lamitten mettami. Laa amu, da danab nahipad ag ina daatteb amu, ag oo qak iitta ele keeke medappig, da amu ele antten, gamag ahak okkai doottem.

Job 23:10

Da Nug ii anidttem, amge Nug da ib attenppa oittem amu, Nug dootte amunu, Nug ma anttak elele meɗa maleb, da enanag bein daakkul; da danab nug he, gol enanag ba daatte, da gol amubia enanag bein daakkul.

Job 28:1

⌊Amu Job nug anam mattia mala, nug tuɗitta aum.⌋ “Danab ag silwa wan ooppanu buutteb; ag gol aon, gol amu babaitta epeɗia awak daakkunu uɗat hettebnu aben ele daatte.

Sam 139:23

O Kayak, na da oolppa neegna, aɗi oolppa daatte anidkkutnu ool daatte. Ao, na dahil dabmakppa neegna, aɗi appa daatte amu anidkkutnu ool hette.

Sam 26:2

O Yawe, na da hettoɗilna, ma anttak ele meɗakkutnu oɗ medattem. Ao, na da ool unuqagppa, dahil dabmakppa ele aɗi aɗi daatte, amuam elelete o iittate anidkkutnu unuqidttem.

Sam 66:10

Am genab, O Kayak, na ma anttak ig mekkame. Ao, danab nug silwa babaitta epeɗia awak daakkunu uɗat hette, amubia ig enanag bekkunignu, na hee, uug ihinigppa beum.

Prowerb 15:11

Keeke oh mauhak abenppa daatte amu, Yawe Nug amu genab dootte; amunu Nug danab bau daatteb, Nug genabnab ag aɗi dabmetteb dootte.

Prowerb 16:2

Danab nug nuhig haknu, “Da iikku ena, tutukku hettem,” dabmette; amge Yawe Nug diig aɗinu nug hette am epeɗidtte.

Prowerb 17:2

Maɗi nid laa doyak dabmak ena ele nug nuhig okkai bekka laa, kobol uɗa nak nau guittak ele hette amu, maɗi nid nug nid amunu gumak daakku; amu maɗi nid doyak dabmak ena ele, nuhig okkai nug bekkod nug aug madatta, nug nid amu ele laa medakku.

Prowerb 21:2

Keeke oh danab nug hette amu, nuhig dabmakppa am tutukkuib; amge Yawe Nug danab nug aɗi diignu nug keeke hette amu, nug amu atognoa neekkitta auta aotte.

Prowerb 27:21

Danab nug gol, silwa ele aab aɗuppa me, huananab gakkaɗe, le me, dubuttid laa daatte dayeb amu, danab nug maute ukke, golppa o silwappa ii daatte; amge binag mak am ma anttak danab metta ha, ib amuppa danab ooppa nau daatte dayeb he, miag atitte

Aisaia 48:10

Antteg! Danab nug silwa babaitta epeɗia awak daakkunu uɗat hette. Ao, nug he, silwa aab aɗuppa oppiaawak ba daatte, da amubia ahilagppa hemi. Amge da aab aɗuppa ii hemi. Iitta. Ag ena, oppiaawak ele bekkulagnu da uug digdig laa mattami.

Jeremaia 17:10

Anam, amge Yawe Nug atte. “Da Yawe, da danab, nuhig hak aɗi ippuniɗtte amu, da amu dabmein, nob tutukkuib medakkulnu, da nuhig kobol aɗi ippuniɗtte amu, da amu ele dabmein, nob tutukkuib medakkulnu, da danab oolag unuqag andette, da ahilag dabmak ele anidttem.

Esekiel 22:18

“Danab bekka, Israel danab ah ag silwa laa, silwa amuam kapa, o tin, o aen, o led ele kaboliak daattep, ag dahil neekkakppa kapa, o tin, o aen, o led amubia daatteb. Danab nug silwanab aokkunu nug silwa aab aɗu gakkaɗak nauppa me, le me, kapa, o tin, o aen, o led dubuttid bia silwa le meum qaɗeppa ba daatte amu, da amubia Israel danab ah neekkadttem. Ag am silwanu kinipan aakkuib,” awa aum.

Daniel 11:35

Haen amuppa danab doyak dabmak ena ele laala, ag oppiaawak, dubuttid iitta, ag eheɗ hak laa iitta ele daaglagnu, uug anam ahilagppa bekku. Uug amu beeb ukkeb, haen gogppa tekku. Aɗinu? Kayak Nug haen gog tekkunu tituanom amu, haen amuppa am gogppa tekku. Ii baolima.

Sekaraia 13:9

Am Yawe Nug imu ele atte. “Danab nug silwa o gol babaitta epeɗia awak daakkunu uɗat hette, amubia laa bau daaglag amu, da heppi, ag oolag dubuttid iitta daaglag. Ag da onilppa eppeg, da ahilag unuqittak dookkul. Da ahilagnu, imuam dahilad danab ah, appi, ag, Yawe, Nug am ihinig Kayak, akkulag.” Yawe Nug anam awa atte.

Duteronomi 8:16

Atu taɗak amuppa Nug ag maana lakkulagnu mattom. Ee amu, ag mamelkad aɗi ag ii lappig ele. Nug ag onilag qeeb nekkunu, Nug ag ma anttak madakkunu Nug anam heum. Nug anam heeb, ag ena bena daaglagnu heum.

Duteronomi 8:2

Yawe, ahilag Kayak, Nug maɗ 40 oh anuqa omalattette, atu taɗakppa oippig amu daulagppa dayaɗ! Nug ag onilag qeeb nekkunu, ag ma anttak mettak ele aoglagnu, Nug amu heum. Nug ma anttak mettak digdig ag diilag miag atikkunu matta, nug ag genabte haknunab anak nuhig am tutukku dim lamidkkulagtai, o iittatai amu anidkkunu heum.

1 Pita 1:7

Uug betteb amu, ag diig imunu betteb. Ag beppeg, ahilag ooppa genab doyak am ena, ɠagattag daattete o iittate, amu anttaknu aakku betteb. Gol am nauhkkunu keeke, amge danab ag gol babaitta epeɗia awak daakkunu uɗat hetteb, amubia Kristen danab, ag ahilag ooppa genab doyak, nug nauhkkunu keeke iitta, gol eɗittak, enanag, amu epeɗidkkunu uug amu ag betteb. Ooppa genab doyak ahilag nug ɠagattag daakku, amu dimppa, Jesus Kristus eɗua uɗikku haenppa, ag binag amahlak oppiaawak ele, onig okkai, amu binag ele aoglag.

Revelesen 2:23

Da nuhikkud nid ele heppi mauhkkulag. Amuppa Kristen tamaniak oh ag dooglag, da danab oolag, amu ahilag dabmak ele epeɗie aute aottem. Amu ele, da Taiataira daatteb, da ahilag hak attemu amu, da amuppa nob madakkul.