Prowerb 17:2 - Nobonob Baibel

² Maɗi nid laa doyak dabmak ena ele nug nuhig okkai bekka laa, kobol uɗa nak nau guittak ele hette amu, maɗi nid nug nid amunu gumak daakku; amu maɗi nid doyak dabmak ena ele, nuhig okkai nug bekkod nug aug madatta, nug nid amu ele laa medakku.

Prowerb 17:2 ပူးပေါင်းရင်းမြစ်များ

Prowerb 10:5

Nid nug ee oɗue, awaknu daatte haenppa ee aotte amu, nug am mameg bekka doyak dabmak ena ele; amge nid nug ee oɗue, awaknu daatte haenppa niitte amu, nug mameg uɗa nak nau guittak ele medatte.

Prowerb 11:29

Danab ag baelkadppa oolagppa, ag Kayak dab-ii-menan ii dim lamidna oin, uug madatteb, ag keeke iitta ele daaglag. Ge, ag geha laa doyak dabmak ena ele, ag amu dilag maɗi nid daaglag.

Prowerb 14:35

King nug maɗi nid nuhig laa, nug doyak dabmak ena ele, nug nuhignu oo enanagnab dootte; amge nug maɗi nid laa, nug uɗa nak keeke laa hette amu, nug nuhignu oppoɗi bette.

Prowerb 17:1

Lag laappa maɗoɗ dayeye, danab nug bret maha qaɗaiettomib latte, me nug maɗoɗppa daatte amunu, nuhignu am ena; amge lag laappa nug qak dayeye, danab nug ee hobul naɗi latte, me nug, nug qakppa daatte amunu, nuhignu am ena iitta.

Prowerb 17:3

Danab nug gol, silwa ele aab aɗuppa me, huananab gakkaɗe, le me, dubuttid laa daatte dayeb amu, danab nug ehale ukke, golppa o silwappa ii daatte; amge Yawe Nug ma anttak danab metta ha, Nug ib amuppa danab ooppa nau daatte dayeb he, miag atitte.

Prowerb 19:26

Aun nug mameg eheɗ heta, anig lakkanu lamidtte amu; nid amu, nug am uɗa nak, aria uɗa nak nau guittak ele awa, nukka nuhigppa dotte.

Prowerb 29:15

Tolittak, bu mettak ele he, nid nug doyak dabmak ena ele daatte; amge nid nug tolittak, bu mettak ele ii aotte amu, nug he, anig nug uɗa nak nau guittak ele aotte.

Eklisiastis 4:13

Nid bau laa keeke iitta ele, amge nug doyak dabmak ena ele amu, nuhignu am ena. King laa nug kaino meum daatte, amge nug dabmak tutukku iittappa keeke hette, nug nau aomanu nai laanu awaknu uutte amu, nuhignu am ena iitta.