Prowerb 17:1 - Nobonob Baibel

¹ Lag laappa maɗoɗ dayeye, danab nug bret maha qaɗaiettomib latte, me nug maɗoɗppa daatte amunu, nuhignu am ena; amge lag laappa nug qak dayeye, danab nug ee hobul naɗi latte, me nug, nug qakppa daatte amunu, nuhignu am ena iitta.

Prowerb 17:1 ပူးပေါင်းရင်းမြစ်များ

Sam 37:16

Genab tutukku hak dim lamittak am enaib. Laa nug genab tutukku hak danab dayaya, keeke nakoknabib eppegppa aɗakkutai, amge nug genab tutukku hak danab daatte amunu, nug enanag daatte. Amge nau hak kobol dim lamittak am nauib. Laa nug nau hak danab dayaya, enub okkai eppegppa aɗakkutai, amge nug am nau hak danab daatte amunu, nug nauib daatte.

Prowerb 15:16

Danab nug Yawenu ebehi oh bodoetta le mette dayeb, nug keeke kuɗum ele iittatai, me nug Yawenu ebehi oh bodoetta le mette amunu, amuam ena; amge danab nug en okkai ele daatte dayeb, ⌊me nug Kayaknu ebehi oh bodoetta le ii mette amunu,⌋ nug daatteppa nug qak daatte, amuam ena iitta.

Prowerb 15:17

Aɗit laa aa keh gehiak aakkuib lakkulah dayeb, me aa oolahppa oo mauhak kobol daatte amu, amuam ena; amge aɗit laa aa teppu enanag lakkulah dayeb, me aa oolahppa layagnu nau ninig ele doyak daatte dayeb, amuam ena iitta.

Prowerb 16:8

Danab laa nug genab tutukku hak danab, me nug am en nakokib ele. Nug en nakokib ele, amge nug am genab tutukku hak danab amunu, nug ena daatte; amge danab laa nug nai doya mala hettoɗia epeɗia elele mettak dim lamittak danab iitta, me nug en okkainab ele. Nug en okkainab ele, amge nug am eheɗ hak danab amunu, nug am ena ii daatte.

Prowerb 17:2

Maɗi nid laa doyak dabmak ena ele nug nuhig okkai bekka laa, kobol uɗa nak nau guittak ele hette amu, maɗi nid nug nid amunu gumak daakku; amu maɗi nid doyak dabmak ena ele, nuhig okkai nug bekkod nug aug madatta, nug nid amu ele laa medakku.

Prowerb 21:19

Atu taɗakppa dayaknu amu nau iitta; amge ah nug nai a ona, a doak ah, nug paha paha oo nauhtte, nug ele dayaknu amu, amuam nau.

Prowerb 21:9

Danab nug lag laih laa, enanag iitta, aguppaib daatte dayeb, amuam nau iitta; amge danab nug lag meu ohppa wau ge iitta nai hak hette ele daattep dayeb, amuam nau.

Prowerb 7:14

“Gemu da laippu dayaknu ofa hein malen, da teppu laa mana mettak amuppanu awe uɗien, uppa uma lakka memi daatte. ⌊Doppe goɗa laɗu!⌋ Ge, gemu da Kayak amegppa keeke genabnab hekkulnu nai ain qakken, keeke medakkulnu ami amu, gemu da dahil nai amu aakku hein malami.