Prowerb 16:9 - Nobonob Baibel

⁹ Danab nug nuhig dabmakppa keeke hekkunu maittak aotte; amge Yawe Nug nug aɗi ib awa gokkunu dabmak awa he, ɠagattag ebatte.

Prowerb 16:9 ပူးပေါင်းရင်းမြစ်များ

2 Stori 22:7

Amu Ahasia nug Joram anidkkunu ukkom, ib amuppa Kayak Nug he, Ahasia nug na qeum. Ahasia nug Jesril appa te, Joram ele daaeheh, Nimsi bekka Jehu, Yawe Nug nug Ahap buɗub heeb iitta mekkulagnu goɗen gokkaɗakppa tituanom amu, nug uɗieye, Joram, Ahasia ele aa nug uɗa tekkulahnu nug gumidya gopiɗ.

Sam 37:23

Yawe Nug danabnu oiyaknu enanagnab dootte dayeb amu, Nug he, danab amu nug ɠagattag daatte.

Prowerb 16:1

Danab ah ag ahilag dabmakppa aɗi aɗi hekkulagnu maittak aotteb. Anam amge, Yawe Nug aɗi keeke bekku amu, Nug dabmaama he bette.

Prowerb 16:8

Danab laa nug genab tutukku hak danab, me nug am en nakokib ele. Nug en nakokib ele, amge nug am genab tutukku hak danab amunu, nug ena daatte; amge danab laa nug nai doya mala hettoɗia epeɗia elele mettak dim lamittak danab iitta, me nug en okkainab ele. Nug en okkainab ele, amge nug am eheɗ hak danab amunu, nug am ena ii daatte.

Prowerb 19:21

Danab ag keeke laala haknu maittak digdig kuɗum aotteb; amge Yawe Nug aɗi bekkunu oo daatte ele amu, gog takppa amuib aakku bette.

Prowerb 20:24

Yawe Nug danab ɠagattag dilag oiyak atognotte; amunu laa nug nukka, nug attem ha, nuhig oiyak atognokku?

Prowerb 21:1

King nug Yawe eppegppa daatte, amuam lenag bia. Ao, Nug le ippu adeppa gokkunu he, le gotte bia, Nug kingnu dabmak attem bekkunu he bette.

Prowerb 21:30

Doyak dabmak ena ele laa, o diignu doyak tutukku laa, o maittak awak laa; amu oh oolagppanu Yawe eɗidkkunu elele iitta.

Aisaia 46:10

Da digmak haenppa keeke laanu gogppa tak haenppa bekku amu hei, miag atitte. Da anukkanab aɗi keeke butti aɗi bekku ai dooppig. Da attem. ‘Da aɗi keeke dabmein attem amu, da hei bette. Da aɗi oh hekkulnu hettem amu, da hekkul.’

Jeremaia 10:23

O Yawe, da doottem, ig danab ig ikka, ig ihinig oiyaknu ulumnab ii aɗattem. Ao, ig aɗi aɗi ihinigppa bekku amu, ig amu ii gumattem.

1 Samuel 9:16

“Dahilad danab ah ag Pilistia waalagppa daan gaaegeg doottem amunu, butti, haen inamppa amu, da heppi, danab laa nug na gumitta uɗikku; nug am Benyamin ted, nug appanu uɗikku. Nug uɗieb amu, nug Israel danab ah dilag king daakkunu na nug goɗen gokkaɗakppa tituane! Nug dahilad danab ah Pilistia waalagppa daamnanu, ag ehanadkku,” awa aum.