Prowerb 16:3 - Nobonob Baibel

³ Na aɗi keeke hekkutnu ⌊dabmettem⌋ amu, na keeke amunu hak Yawe eppegppa me; ⌊na amu hekkut dayeb amu,⌋ Nug heeb, amu haknu maittak nahip am ena beeb, maittak amuam meu okku.

Prowerb 16:3 ပူးပေါင်းရင်းမြစ်များ

Job 22:28

Na aɗi keeke hekkutnu dabmak aon malakkut amu, Nug heeb, am anam bekku; na ippunppa amahlak okkai daakku.

Job 5:8

Anam, amge Job, da nahip abenppa daalom, da inam helom. Da Kayak dahil nai dookkunu oo doyak ele oɗ mettalom. Ao, da keeke oh dahilppa beum miagib Nug amegppa appi doolo.

Sam 55:22

⌊Na aun,⌋ na nahip uug Yawe medappe, Nug na atognoidkku. Nug am genab tutukku hak danab uuatteb, nena ii qemana.

Prowerb 3:6

Keeke oh na hekkutnu dabmettem amu, tatam Kayaknu dabmewona hekkut. Na anam heppe, Nug geha heeb, na ippun tutukku daakku.

Luk 12:22

Aria, Jesus Nug nuhikkud ippunittak awak danab amelagppa aum. “Anam daatte amunu, da ag amelagppa attem. Ag wanppan bau dayaknu dabmak aqadna, ‘Ig ee elete daagnig?,’ o iitta beɗulagnu, ‘Ig beɗunigppa takkaknu amu, ig lamen elete daagnig?’ aib appig.

Pilipai 4:6

Ele amu, ag aɗi keeke laippunu dabmak qak aib doon daappig. Iitta! Ag keeke ohnu unuqittak digdigppa, “Ena heme,” anakppa ele, ag Kayak Nug ahilagnu aɗi aɗi hekkunu oolag daatte amu, ag oo hak amu Kayak amegppa aig!

1 Pita 5:7

Kayak ag gumatta atognoadtte amunu, ag uug ahilag oh amu Nug eppegppa meig!