Prowerb 15:6 - Nobonob Baibel

⁶ Genab tutukku hak danab laugppa en okkai daatte; amge nau hak danab ag kobol nau hetteb amunu, hak amunu noob am, ag uug anidtteb.

Prowerb 15:6 ပူးပေါင်းရင်းမြစ်များ

Sam 112:3

Danab nug Yawenu ebehi oh bodoetta le mette ele, nug laugppa en, keeke ena ena ele daatteb. Ao, anam amu, nuhig genab tutukku hak kobol am hanhan alet daatte.

Sam 37:16

Genab tutukku hak dim lamittak am enaib. Laa nug genab tutukku hak danab dayaya, keeke nakoknabib eppegppa aɗakkutai, amge nug genab tutukku hak danab daatte amunu, nug enanag daatte. Amge nau hak kobol dim lamittak am nauib. Laa nug nau hak danab dayaya, enub okkai eppegppa aɗakkutai, amge nug am nau hak danab daatte amunu, nug nauib daatte.

Prowerb 10:22

Yawenu itittak ena he, danab nug elelenab daatte; amuppa uug laa ii daatte.

Prowerb 13:22

Danab ena, nuhig aug amu, nug mauhakppa ukkeb, aug amu paha ii iitta mema. Dayeb ukkeb, alakkud aoglag; amge hipunin danab aulag ag qagmetteb ele, genab tutukku hak danab ag aoglag.

Prowerb 15:16

Danab nug Yawenu ebehi oh bodoetta le mette dayeb, nug keeke kuɗum ele iittatai, me nug Yawenu ebehi oh bodoetta le mette amunu, amuam ena; amge danab nug en okkai ele daatte dayeb, ⌊me nug Kayaknu ebehi oh bodoetta le ii mette amunu,⌋ nug daatteppa nug qak daatte, amuam ena iitta.

Prowerb 15:5

Laa nug Kayak dab-ii-maama ii dim lamidtte ele, nug mamegnu tolitta bu mettak tappe nette; amge laa nug tolitta bu mettak awa, dabmaama dim lamidtte amu, nug aakku eheɗ bemanu dabmak awa dabmak amu dim lamittak kobol dim lamidtte.

Prowerb 15:7

Danab doyak dabmak ena ele ag laa doyak ena ele madatteb; amge danab ag Kayak dab-ii-menan ii dim lamidtteb ele, ag anam ii hetteb.

Prowerb 16:8

Danab laa nug genab tutukku hak danab, me nug am en nakokib ele. Nug en nakokib ele, amge nug am genab tutukku hak danab amunu, nug ena daatte; amge danab laa nug nai doya mala hettoɗia epeɗia elele mettak dim lamittak danab iitta, me nug en okkainab ele. Nug en okkainab ele, amge nug am eheɗ hak danab amunu, nug am ena ii daatte.

Prowerb 21:20

Danab doyak dabmak ena ele, ag ee ena keeke ag laulagppa meeg daatte; amge danab nug Kayak dab-ii-maama ii dim lamidtte ele, nug ee keeke nug aotte ele, nug paha he iitta mette.

Prowerb 3:33

Yawe Nug nau hak danab, nug baekkudppan ele, ag eheɗ laa awaknu anak waappa daaglagnu atte, amge Nug genab tutukku hak danab, nug baekkudppan ele, Nug ag itittak ena madatte.

Prowerb 8:21

Da laa ag dahilnu oolag mauhtte ele, da en okkai madattem; da hei, ahilag en maknu oo anen anen am ambetteb.

Eklisiastis 4:6

Danab nug ee nakokib maɗoɗ ele latte amu, amuam ena; danab nug uɗat bodok iitta, hamu hamu ulah aɗakkunu, ulah dim lamittak bia haaha, ee okkainab latte, amuam ena iitta.

Hibru 11:26

Nug nob ena, butti aɗi Kayak medakku amunuib dabmeum amunu, nug Kristus onigppa uɗa nak aokkunu ena doya, Isip enubnu amu, nug keeke hamu doyom.