Prowerb 15:3 - Nobonob Baibel

³ Yawe Nug keeke oh anidtte; Nug nau hak danab, ena hak danabnu ele neekka auta aotte.

Prowerb 15:3 ပူးပေါင်းရင်းမြစ်များ

2 Stori 16:9

Aɗinu? Yawe Nug aun nug Nugib dim lamidkkunu meu ohppa dabmette ele antta, nug ɠagattag medakkunu hanhan danab wanppa oitteb ele neekkadtte. Nug na ele kekeɗ eɗadkkutnu ɠagattag mettalo. Na heme am, na dabmak tutukku iittappa heme amunu, na hanhan ban anidnan daakkut,” awa aum.

Job 24:23

Kayak Nug paɗatteb, hipunin danab ag, “Ig baɗak iittappa inamib daagnig,” akkulagtai; amge Kayak Nug ahilag hak neekkidtte.

Job 28:24

Aɗinu? Nug wanppan keeke oh neekke uɗie anidtte. Ao, Nug aɗi keeke hab waappa daatte anidtte.

Job 31:4

Kayak Nug dahil oiyak iite anidtte? Ge, da aɗi keeke nakok nakok hettem amu, Nug iite dootte?

Sam 33:13

Yawe Nug hab attannu neekke ne, wanppa danab ah oh anadtte.

Prowerb 15:4

Ad nug meu ena o, meu danab ehanatte bau daatteb, amubia, danab nug nai ena maditte, nug danab ehanatte, ena daatteb; amge danab nug nai hambuppuak maditte amu, nug he, danab ag oolagppa na qak dootteb.

Prowerb 5:21

Aɗinu? Yawe Nug keeke oh danab laa hette am Nug anidtte. Ao, Nug danab aɗi hette ele amu tutukku hettoɗidtte.

Jeremaia 16:17

Da ahilag hak oh anidttem; ag heppeg, ahilag hak laa lokkumeb, da ii anidkkulnu am iitta. Ahilag hipunin ele, da oh anidttem, laa lokkumak ii daatte.

Jeremaia 23:24

Da aben ohppa daattem amunu, danab laa da nug anidpanu aben lokkumakppa nug nugakka appa lokkumidkkunu elele iitta. Da hab attan, wanppa ele, da appa ana aben ohppa daattem.

Jeremaia 32:19

Amu na doyak dabmak ena okkai ele nahip-ppa, ɠagattag okkai nahip-ppa ele kobol danab haknu elele iitta hettem. Na danab oh neekkadna, ag aɗi aɗi hetteb amu, na ahilag hak amuppa na ag epeɗiadna, nob eleleib madattem. Laa na ahilag hak anidna, na nob ena madattem, laa na ahilag hak anidna, na nob nau madattem.

Sekaraia 4:10

Amu danab nug keeke digmette amu, digmakppa laa ag keeke am nakokib anidtteb, amge ag keeke nakok imunu ena iinab doyak aib dooppig. Aɗinu? Danab ag mettid lag imu haknu plam lain Serubabel eppegppa dayebeb anidna, ag gamag ahak dooglag. Amu lam eblaih aɗit ele amu ag Yawe, Nug ameg eblaih aɗit ele, amuppa Nug keeke oh anidtte amu, lam amu ag amu ippunadtte,” awa anam meɗom.

Hibru 4:13

Amu keeke laippu laa Kayak Nug amegppa lokkumak iinab daatte. Iitta. Keeke oh am Nug amegppa miagib amahlakppa daatteb. Amu dimppa ig Nug noobppa daata, ihinig haknu Nug amegppa mattignig.