Prowerb 15:2 - Nobonob Baibel

² Danab doyak dabmak ena ele ag nai doyak ena ele maditteb; amge danab ag Kayak dab-ii-menan ii dim lamidna oitteb, ag Kayak dab-ii-maama haknu nai huana maditteb.

Prowerb 15:2 ပူးပေါင်းရင်းမြစ်များ

Sam 45:1

Da dabmak enanagnab awewe, da ool huananab gamag ahatte! Ao, da kingnu nai ena ena madikkul. Ge, da lemaɗul am danab laanu pen, nai ena ena yaaladtte, amubia daatte. Da yaakkulnu iitta, amge da oɗelppa madikkul.

Sam 59:7

O Kayak, danab nau amu oɗelagppanu nai nau huanaknab nette, na nai amu dookkutnu unuqidttem. Ao, qep elab aeg nau ele danab guittak okkai medatte, ag oɗelagppanu nai am amubia hette. Ge, ag amu hettebnu diig am, ag nai nau oh amu mattieg neene, ag hibguitta hena, inam atteb. “Aun ig dooikka bu iqakku?”

Prowerb 12:23

Eheɗ bemanu dabmak awak, dabmak amu dim lamittak danab nug haenppaib nuhig doyak laala madatte; amge danab ag Kayak dab-ii-menan ii dim lamidtteb ele, ag Kayak dab-ii-maama haknu ge iitta maditteb.

Prowerb 13:16

Danab nug eheɗ bemanu dabmak awa dabmak amu dim lamittak kobol dim lamidtte amu, nug doyak enappa keeke hette; amge danab Kayak dab-ii-maama ii dim lamidtte ele, nug he, nug Kayak dab-ii-maama hak kobol dim lamitta oitte miag atitte.

Prowerb 15:23

Danab nug laanu nai nob elele mette, nug oo gamag ahak dootte. Ao, nai elelenab haenppa mattiak am he, danab nai maditte ele nug oo gamag ahak okkai dootte.

Prowerb 15:28

Genab tutukku hak danab ag tatam dabmewona, ag nai nob metteb; amge nau hak danab ag nai eheɗ kuɗum maditteb.

Prowerb 15:7

Danab doyak dabmak ena ele ag laa doyak ena ele madatteb; amge danab ag Kayak dab-ii-menan ii dim lamidtteb ele, ag anam ii hetteb.

Prowerb 16:23

Danab nug doyak dabmak ena ele nug tatam dabmewowa nai maditte; nug aɗi atte am meu ele, danab laa nug amuppa ippunittak aokkunu elele.

Eklisiastis 10:14

Danab nug Kayak dab-ii-maama ii dim lamidtte ele nug nai huan huan maditte, nug nai mattiaknu ii uutte. Laa nug butti aɗi, haen amuppa aɗi kobol bekkulagnu daatteb amu, laa nug amu ii dootte; amu laa aun nug oiyaya mauheb, amu dimppa nug aɗi bekkun daatte laa amegppa ab dokkute?

Eklisiastis 5:3

Amunu diig am, na ootppa uug kuɗum aɗattem dayeb amu, na amunu tul niikkut; amubia danab nug Kayak dab-ii-maama ii dim lamidtte ele, nug nai kuɗum maditteppa, nug nai mauhnoak kuɗum ele maditte.

Aisaia 50:4

Naɗi Yawe Nug da oɗel ehanitte, da nai ena madikkulnu elele amunu, da nai enappa danab ah ag uug nau doon oitteb ele, da ag ehanadkkulnu elele daattem. Deɗ oh buttua Nug maɗeɗile, da ahattem. Nug da maɗeɗile ahai, Nug he, da daul hume, Nug aɗi atte amu, da dim lamidkkulnu dabmein aute awe daattem.