Prowerb 15:1 - Nobonob Baibel

¹ Laa nug laanu oppoɗi bak doyaya, nai ɠagattag amegppa ab, layag nug eɗua awa, nai bodoettak metteb amu, oppoɗi bak amuam iitta mekku; amge layag nug nai ɠagattag eɗua nob ma mattieb amu, laa nug oo huana nauhkku.

Prowerb 15:1 ပူးပေါင်းရင်းမြစ်များ

Prowerb 25:15

Danab nug oo maɗoɗ ele dayak kobol dim lamidkku dayeb amu, nuhig okkai nug dabmak eɗukku bia; amu nai bodoettakppa mattiak amu, amuam heeb, dabmak ɠagattag eppom daatte baolikkunu elele.

Prowerb 10:12

Laa dilag nau ninig ele doyak kobolnu amu, kobol amuppa nug qak aakku bette; amge oo mauhak kobolnu amu, kobol amuppa laa nug layag nug hipunin nuhignu heum amu, nug hipunin amu oh uhuqa medatte.

Prowerb 15:18

Danab nug oppoɗi paha bette ele, nug he, nug qak ahatte; amge danab nug oo maɗoɗ ele dayak kobol dim lamidtte, nug he, nai hak bodoedatte.

Prowerb 29:22

Danab nug oo nauhak danab daatte, nug he, nug mehqak bette; danab nug paha oppoɗi be ameg kokoɗ ebatte amu, nug hipunin kuɗum hette.

Prowerb 28:25

Baubau awaknu hik qak danab nug he, nug mehqak ahatte; amge aun nug Yawenu ooppa genab dootte, nug ena daakku.

2 Samuel 19:43

Ag anam aeg, Israel danab ag nob mena appig. “Ig Israel, ig am huu okkai eblaih laih ele, ag Juda, ag am laippuib amunu, nug ihinig king daakkunu am diig okkai ele, ahilag eɗittak. Anam daatte amunu, aɗinu ag ihinignu keeke hamunab dootteb. Ig tatam ig omalpput, Dawit uɗikkunu iite mattimut?” aon appig. Ag anam appig, amge Juda danab ag nai ɠagattagnab, Israel dilag nai eɗittak, Israel danab amelagppa madippig.

1 King 12:7

Aria, nug anam oɗ matte amu, ag nug amegppa inam appig. “Amu na danab ah amu dilag maɗi nid bia daanna, ag dabmattanna ehanadkkut, na nai ena ag amelagppa akkut amu, ag geha nahipad maɗi nid daanna, na waatppa hanhan daaglag,” aon appig.

2 Stori 10:7

Aria, nug anam oɗ matte amu, ag nug amegppa inam appig. “Amu na danab ah amu dilagnu oo bodoettak doon, ag na aɗi hekkutnu oolag daatte ele dabmettan, na amunu nai ena ag amelagppa akkut amu, ag geha nahipad maɗi nid daanna, na waatppa hanhan daaglag,” aon appig.

Job 41:3

Lewiatan nug na nuhignu oot gai-iitta doon oot mettan ehanidkkutnu ii daye daye unuqidkkute? Ao, nug baag bodoettakppa na amenppa nai madikkute?

Prowerb 29:8

Awa awa qettak danab ag aab okkai ooppa uug heeg bette; amge danab ag doyak dabmak ena ele, danab amu ag heeg, oo nauhak oug mette.

Aposel 19:41

Aria, aabnu ɗo mettak danab nug amelagppa anam awowa he, danab ah amu qatiadppig.