Prowerb 14:4 - Nobonob Baibel

⁴ Danab nug makau okkai ebehi ele laa iitta amu, nug ee aeg huana eppeb beeb, meu aokkunu elele iitta; amge laa makau okkai ebehi ele, nug makau amunu ɠagattagppa ee huana eppeb beeb, meu aokkunu elele.

Prowerb 14:4 ပူးပေါင်းရင်းမြစ်များ

Job 39:11

Makau okkai ebehi ele dakkuɗ am ɠagattag okkainab ele amunu, na ɠagattag okkai amuppa nahip uɗat heppe, ha malakkunu dabmekkutte? Ge, na nug uɗia hekkunu, na nahip uɗat uug ele uukkutte?

Sam 144:14

Dad ihinkadppa ee eppaladttem ele am meulkad huana oppeg, makau mawadkkulagnu uug ele daakku. Ihinkad kekeɗ ag uɗin aab okkainu aɗ loppaɗppeg neeb, appanigppa nona heppeg, ig gota, wan laalappa ii daamta. Ao, auntai laa nug baekkudppan laa qeppig, o laa aon goppig, nug amu ii anidma, mahiak amu ii hema. ⌊Aɗinu? Eheɗ hak kobol amuam oh ii daamna.⌋

Prowerb 13:23

Daɗek danabnu dad am ee kuɗumnab eletai; amge laa ag nai doya mala hettoɗia epeɗia elele mettak kobol ii dim lamidtteb ele, ag nuhig ee aɗidna aotteb.

Prowerb 14:3

Danab nug Kayak dab-ii-maama ii dim lamidtte ele, nug nai eheɗ maditte amunu, nug bu aotte; amge danab doyak dabmak ena ele nug nai enaib maditte amunu, nug bu ii aotte.

Prowerb 14:5

Laa nai genabib maditte amu, hettoɗiakppa ele, nug laa aɗi heehe anttomnu mattiak danab dayaya, nug nai genab maditte, nug ham-ii-bubutte; amge laa nai hambuppuak maditte amu, hettoɗiakppa ele, nug laa aɗi heehe anttomnu mattiak danab dayaya, nug nai hambuppuak huanak maditte.

Amos 4:6

Amu Yawe Nug atte. “Da hei, ag aab okkai ohppa ee iitta daappig. Ao, aab naunau ohppa ag bret iitta daappig, amge ag eɗun, da dim lamiɗkkulagnu da gumiɗna ii uɗippig,” awa atte.