Prowerb 14:3 - Nobonob Baibel

³ Danab nug Kayak dab-ii-maama ii dim lamidtte ele, nug nai eheɗ maditte amunu, nug bu aotte; amge danab doyak dabmak ena ele nug nai enaib maditte amunu, nug bu ii aotte.

Prowerb 14:3 ပူးပေါင်းရင်းမြစ်များ

Job 5:21

Kayak Nug ehanitteb, laa nai mattiak ahilagppa guittak ii mettamna; Ao, na hak nau bak haenppa ele Nug na ehanittebeb, na baɗak ii doomnanu elele daakkut.

Sam 12:3

Yawe, na heppe, ag oo eeɗaknu ittag nai anak hetteb amu, ag amu uuglagnu oɗ medattem. Na heppe, ag dada nau haknu mattiak uuglagnu unuqidttem.

Sam 31:18

Danab amu ag dada danab daanna, ag genab tutukku hak danab ah dilagnu, “Keeke hamunab” doon, ag diig nau amuppa nai mattin, genab tutukku hak danab ah dilagnu hambuppuak nai maditteb amunu, ag beɗuppa tak danab nai maditteb bia tuɗidna mattimnanu, na ag oɗelag qamutkkutnu oɗ medattem.

Sam 57:4

Dahil kekeɗ ag da taliliɗppig daatteb. Da am danab nug laion ag enug aqak ele, ag nug talilidppig daatteb, da amubia daattem. Ao, dahil kekeɗ ag laion doɗ laa laatteg iitta metteb bia, ag danab ah hattaeg nauhtteb. Ge, kekeɗ dahil ag laion bia, ag aelkad am lat doɗo bia, lemaɗulkad amu qep elab bia.

Prowerb 12:6

Nau hak danab ag laa guittak madappeg mauhkkulagnu nai maditteb; amge genab tutukku hak danab ag laa uugppa daatteb, ag amu ehanadppeg, qagaiettakppa ii daamnanu nai maditteb.

Prowerb 13:3

Aun laa nug aɗi attenu dabmetta auta aotte, nug am bau daakku; amge aun laa nug nai doyak iitta, diignu doyak tutukku iitta ele maditte amu, nug am nauhkku.

Prowerb 14:4

Danab nug makau okkai ebehi ele laa iitta amu, nug ee aeg huana eppeb beeb, meu aokkunu elele iitta; amge laa makau okkai ebehi ele, nug makau amunu ɠagattagppa ee huana eppeb beeb, meu aokkunu elele.

Prowerb 18:6

Danab nug Kayak dab-ii-maama ii dim lamitte ele nug he, laa nug ele naippa nug mehqak hetteb. Ao, nug oɗeppa aɗi atte amu he, danab ah ag nug makkuɗkkulagnu hetteb.

Prowerb 18:7

Danab nug Kayak dab-ii-maama ii dim lamidtte ele nai atte amu, nai amu he, nug na qette. Ao, danab nug Kayak dab-ii-maama ii dim lamidtte ele nug nai atte, nai amu he, nug mauhaknu pelemppa tette.

Prowerb 21:24

Danab nug dada danab, beɗuppa tak danab ele amu, nug onig am Awa Awa Qettak Danab; beɗuppa tak kobol nuhig am bodok iitta.

Prowerb 22:8

Laa nug nau hette amu, nug uug anidkku; nug oppoɗi beebe, laa guittak madakkunu hette amu, Yawe Nug heeb, nug amu hekkunu elele iitta daakku.

Prowerb 28:25

Baubau awaknu hik qak danab nug he, nug mehqak ahatte; amge aun nug Yawenu ooppa genab dootte, nug ena daakku.

Daniel 7:20

Da doɗ amu qeqeɗinu ele dookkulnu ool dayom. Doɗ amuam igippa qeqeɗi eblaih laih ele, amu qeqeɗi am oolagppa qeqeɗi laa ele beum. Qeqeɗi dim beum amu, nug he, qeqeɗi ewam laa ag nug noobppa nena qeppig. Qeqeɗi amuam dim beum, amge nug okkai ma, anttakppa am nug qeqeɗi laa oh eɗattak dayom. Qeqeɗi amu nug ameg ele, nug ele oɗe ele; nug oɗeppa amu nukka nuhignu binag mak nai okkainab mattiom.

2 Pita 2:18

Danab amu ag akka ag beɗulag human, keeke okkai heppignu hambuppun maditteb. Ag beɗulagppan kobol naunu mattiegeg, danab laa kobol tutukku digmena dim lamidtteb ele amu, ag kobol nau amunu ittag aqebeb dim lamidkkulagnu dabmetteb.

Revelesen 12:11

Ig lainkad ag Sipsip Nag tiigppa, amu doyak diig genabib mehuqttebppa ele ɠagattag aon, ban eɗidna, kekeɗ amu eɗidppig. Ag wanppa enaib, bau daaglagnu amu ii dabmeppig. Iitta. Ag beɗulag maoeg ukke, bau daaglagnu anuqak ii doon, Jesus onignu mauhmananu dabmak ii aon oippig.

Revelesen 3:10

Na dahil haknunab nai dim lamidna, uug oh oo bodoettak ele maon oime amunu, da danab ah wan atu oh dilagppa uug naɗi, ma anttak madakkunu bekku amu, da na atognoidkkul; uug amu nahip-ppa ii bema.

1 Samuel 2:3

Na dada danab dilag nai tuɗidna, aib mattime. Ao, na hib guitta qak nai mattiak uue! Aɗinu? Yawe, Nug Kayak genab, Nug keeke oh dootte. Ao, Nug danab dilag hak epeɗidtte.