Prowerb 14:2 - Nobonob Baibel

² Aun nug genab tutukku hak kobol dim lamidtte, nug Yawenu ebehi oh bodoetta le mette; amge laa nug oiyak kaliak dim lamidtte amu, nug Yawenu ena iinab dootte.

Prowerb 14:2 ပူးပေါင်းရင်းမြစ်များ

2 Samuel 12:9

Amunu aɗinu na da Yawe, na dahil nainu ena iinab doon, eheɗ nau amu heme? Na hee, kekeɗ ag Hit danab Uraia qep elabppa qeeg mauhom. Ao, ag nug qeeg mauhe, na nug wau, nahip ah daakkunu aome. Ge, na hee, Amon danab ag qep elabppa Uraia qeeg mauhom.

1 King 3:6

Kayak Nug anam a amu, Solomon nug aum. “Da mamel Dawit, nahip maɗi nid amu, nug nahipnu oo metta ii uuak kobol dim lamittatta, nug genab tutukku hak kobol ele heum amunu, na oo mauhaknab kobol okkainab nuhignu doon dim lamidme. Am gemu ele anamib na nuhignu oo mauhaknab doonna, na hee, da, nug bekka, da nug abenabppa king daattem.

2 King 17:34

Gemu ⌊nai imu yaak haenppa⌋ ele, danab ameg amu ag kobol amuib dim lamidna henan daatteb. Ag ebehilag oh Yawenu bodoetta le ii mette; iitta. Ag Yawenu haknunab nai, ɗo iɗu iɗu ele, Yawe Nug Jakop buɗub mattom amu, ag amu ii dim lamidtteb. Jakop nug amu, nug danab Yawe Nug onig laa Israel ataɗom.

Job 1:1

Anukkanab danab laa onig Job nug Us wanppa dayom. Danab amu nug Kayaknu neekkakppa ooppa kaliak laa iitta ele. Nug genab tutukku hak danab. Nug Kayaknu ebehi oh bodoetta le me, nug eheɗ laa hekkunu uua autanab awom.

Job 12:4

Anukka da Kayak unuqitti, Nug dahil unuqittak doya, nob ena da meɗom, amge gemu da lailad ag da eheɗ imiɗtteb. Ge, da am genab tutukku hak danab, da Kayaknu neekkakppa danab ooppa kaliak laa iitta ele daattem, amge gemu laa oh ag dahilnu, ‘Keeke hamu,’ doon, ag imiɗtteb.

Job 28:28

Nug amu ha, nug danab ah amelagppa aum. ‘Doyak dabmak ena ele amu, amuam dahilnu ebehi oh bodoetta le mak. Ao, diignu doyak tutukku amu, amuam eheɗ laa ii hemanu dabmaama oiyak.’ Kayak Nug danab ah amelagppa anam aum.” Job nug anam aum.

Sam 112:1

Ag Yawe binag meig! Danab nug Yawenu ebehi oh bodoetta le mette, nug itittak ena awom daatte. Ao, danab amu nug Yawenu ɗo ohnu enanagnab doyaya oitte ele, amu nug itittak ena awom daatte.

Sam 25:21

Am da na amen mein daattem amunu, dabmak oiyak ele tutukkuib dim lamittak kobol, am genab tutukku hak kobol ele, aa hepeɗ, da ena daakkulnu oɗ medattem.

Prowerb 11:12

Danab nug epeɗia ha dabmak ena awak kobol ii dootte ele oitte, nug mudippan laippu awa awa qedatte; amge danab nug diignu doyak tutukku ele oitte, nug anam ii hette.

Prowerb 16:17

Genab tutukku hak danab ag kobol eheɗnu awaidna daatteb; aun nug aɗi hettenu atognoa dabmette amu, nug bau dayak nuhig aakku atognotte.

Prowerb 16:6

Danab nug hipuninnu oo mauhaknab kobolppa, oo metta ii uuak kobolppa ele eheɗ haknu nob nau iitta mekkunu he elele medatte. Amu danab nug Yawenu ebehi oh bodoetta le mette doya amu, nug eheɗ ii hema.

Prowerb 19:1

Danab nug Kayaknu neekkakppa danab ooppa kaliak laa iitta ele daatte, me nug daɗek daatte dayeb, nug Kayaknu neekkakppa am danab ena amunu, nuhignu am nau iitta; amge danab nug Kayak dab-ii-maama ii dim lamidtte, nug nai eheɗ, tutukku iitta maditte dayeb, nug Kayaknu neekkakppa nau hette amunu, nuhignu am nau.

Prowerb 2:15

Ib ag oittebppa am kaliak, am tutukku iitta. Ao, ahilag hak unuqagppa amu, appa kaliak daatte, am tutukku iitta.

Prowerb 28:6

Laa daɗek danab daatte, amge nug Kayaknu neekkakppa danab ooppa kaliak laa iitta ele daatte, amuam enanag; amge laa nug danab enub ele, me nug danab nug eheɗ haknu tiigppa daatte, amuam naunab.

Eklisiastis 12:13

Keeke oh amu, ig aakku doomut; amu keeke amu ohnu gogppa tak am inam. Na Kayaknu ebehin oh bodoetta le maɗ! Ao, na nuhig haknunab anak dim lamitte! Aɗinu? Amuam keeke anuqak, Kayak Nug danab hekkulagnu mattom. Keeke laa iitta.

Luk 10:16

Jesus Nug anam ana, Nug ippunittak awak danab amelagppa aum. “Danab nug ahilag nai dootte amu, nug dahil nai dootte. Am danab nug ag dimadatte amu, nug da dimeɗatte. Danab nug da dimeɗatte, nug laa Nug he da uɗimi ele amu, Nug dimedatte,” awa aum.

Luk 16:14

Amu ɗo gumak danab-Parasia, ag am men doɗonu oolag mauhom amunu, Jesus Nug nai amu oh mattie doona, ag ahan, nuhignu guhuɗittak nai madippig,

Aposel 10:22

ag nug amegppa appig. “Kornilius, nug ban daup 100 dilag ikki daatte, nug he ig uɗimut! Nug am genab tutukku hak danab. Nug Kayaknu ebehi oh bodoetta le mette. Juda danab ah oh ag nuhignu ena elele dootteb. Amu Kayaknu engel oppiaawak laa na, Kornilius amegppa nahipnu, na Kornilius laugppa gona, na nai laala appe nug dookkunu aum amunu nug he, ig uɗimut,” aon appig.

Aposel 10:35

Iitta. Kayak Nug danab buɗub ohppanu laa ag nuhignu ebehilag oh bodoetta le mette, ag kobol genab tutukku ele hetteb amu, Kayak Nug ag diiadtte.

Aposel 9:31

Aria, amu dimppa amu, laih Juda appa, Galili appa amu Samaria ele, aben amu ohppa haen amuppa Kristen tamaniakppa maɗoɗ dayom. Kayak Ouɗi danab ah amu ehanatta ag oolag ɠagattag qe, ag Naɗinu ebehilag oh bodoetta le meeme, danab ah kuɗum ag Kristen tamaniak ooppa noppig.