Prowerb 13:8 - Nobonob Baibel

⁸ Danab nau ag enub danab aɗan heppeg, nug qagaiettakppa daamanu nuhig en ag madakkunu akkutai. Nug anam heeb amu, en nuhig ehanadkkutai; amge danab nau amu, ag daɗek danab amu hekkulagnu ii aɗamna amunu, daɗek danab nug uug amunu ii anidtte.

Prowerb 13:8 ပူးပေါင်းရင်းမြစ်များ

2 King 24:14

King Nebukatnesar nug Jerusalem danab ah 10,000 diia, Babilon ukkom. Amu oolagppa am anuqak danab oh, ban danab enanag, danab keeke laala haknu doyak okkai ele, amu ele. Nug ag oh diia, Babilon ukkom. Nug anam heum amu, danab keeke ohnu tutunab daappig ele, amuib uuatte, Juda wanppa daappig.

2 King 25:12

Amge Nebusaradan, nug daup Nebukatnesar gumappig dilag okkai amu, nug Juda danab ah daɗeknab laa, ag wan keeke iitta ele, ag dad okkaippa, grep dad eleppa uɗat hekkulagnu uuatte daappig.

Job 2:4

Yawe Nug anam a amu, Satan nug nob ma aum. “Na Job ehanitte, nug nahipnu ena dootte. Danab nug ii mauhmanu, nug bau daakkunu nug nuhig en oh laa metteb ehanidkkunu medakku. Nug amu bau daakkunu ii uuma.

Eksodas 21:30

Ɗo anam daatte, amge mauhom laikkud ag, ‘Yo,’ appeg, makau mameg nug nukka, nug ii mauhmanu, nug laa mauhom ele laikkud ag men doɗo gane mekkunu appeg, nug mauhaknu qagaiettakppanu eɗua uhuqak aokkunu men doɗo amu ag matteb, ag aib qeppeg mauhom.

Prowerb 13:7

Danab laa nug enub okkai ele bia ippu hak hette, me nug keeke ele ii daatte; amge danab laa nug daɗek daatte bia ippu hak hette, me nug am keeke kuɗum ele daatte.

Prowerb 13:9

Genab tutukku hak danab ag am lam elelenab amahaltte bia daatteb; amge nau hak danab ag lam qauhom bia nauhtteb.

Prowerb 14:24

Danab doyak dabmak ena ele, doyak dabmak ena ele amuam ahilag en, amu ahilag en amu, am ahilkad igippan haɗ bia daatte; amge danab ag Kayak dab-ii-mettan ii dim lamidtteb ele ag Kayak dab-ii-maama hak henana, ag kobol amuib tuɗidna hetteb.

Prowerb 6:35

Ah gamu nug kobol nau amunu daden nob ii aoma. Na daden nob tak gane mekkut amu, amuppa ele na nuhig dabmak elele medakkutnu am elele iitta.

Jeremaia 39:10

Amge Nebusaradan, nug daup Nebukatnesar gumappig dilag okkai amu, nug he, Juda danab ah daɗeknab, ag keeke iitta ele, nug ag daaglagnu uuatta he, ag dad okkai, grep dad daappig ele aoeg, ahilagnu daappig.

Jeremaia 41:8

Amge danab uɗippig ele oolagppanu danab eblaih laih ele ag Ismael amegppa appig. “Aib iqappeg mauhmut! Aɗinu? Ig wit aeg, bali aeg, olip goɗen am uppuh leppu ele aab dimittim, aben laappa lokkummut daatte ⌊amunu na ii iqakkut dayeb, ig na mettagnig⌋,” aon appig. Ag anam aeg, nug laa oh aqappig, amge nug danab eblaih laih ele amu ii aqom.

Sepanaia 3:12

Da laa ag dagom danab, ag agakka ag onilag qeeg nette ele, da ag Jerusalem appa uuadppi daaglag. Laa amu ag da Yawe, ag dahilnu oolagppa genab dootteb. Da am Yawe.

Matyu 16:26

Danab nug wanppanu keeke oh aokku dayeb, amge nug bauklel hanhannu ii aokku, wanppan keeke oh awom amu, keeke amu nug attem ehanidkku? Nug amuppa bauklel hanhannu daden mekku? Iittanab!

Luk 12:23

Bau dayak amu ee lanakib iitta, beɗu nug lamen takkaknuib ele iitta.