Prowerb 13:6 - Nobonob Baibel

⁶ Genab tutukku hak kobol, amuam danab ag Kayaknu neekkakppa danab ooppa kaliak laa iitta dilag guppiɗ daatte; amge nau hak kobol am hipunin danab heeg, ag padal metteb.

Prowerb 13:6 ပူးပေါင်းရင်းမြစ်များ

1 King 1:52

Aria, Solomon nug nai amu doya, nug nob ma, inam amelagppa aum. “Adonaiya nug kobol ena, kobol tutukku dim lamidtte dayeb amu, da aɗinu nuhigppa eheɗ hekkul. Amge nug kobol eheɗ hekku amu, nug mauhkku,” awa aum.

1 King 13:34

Hipunin amuam Jeroboam, amu nug baegppan dilag ele hipunin dayom, amu hipunin amuam he, Jeroboam, nug baegppa ele ag nena qena, wanppa ii daappig.

2 Stori 28:23

Amu Aram ag uɗin, Ahas eɗitteg, Ahas nug inam dabmeum. “Aram danab ag kayak laa noolagppa dup nona binalag metteb. Kayak amu ag Aram dilag king ehanatteg, Aram ag da eɗilppig amunu, da doɗ manen, kayak amu madappi, ag da ehaniɗkkulag,” dabmeum. Ahas nug anam dabma, nug doɗ manatta, Aram danab dilag kayak mattom. Ahas nug ib amuppa ehanittak awaknu dabmeum, amge iitta. Kobol nug heum, kobol amuppa nug, Israel laa oh ele ag nena qeppig.

Sam 119:1

Aun aɗi ag Yawenu neekkakppa ag oolagppa kaliak laa iitta ele, ag Yawenu kobol oh elele dim lamidtteb ele, danab amunu ag aakku itittak ena aoppig daatteb.

Sam 140:11

Na heppe, danab ag laa onig nauhkkunu nai nau maditteb amu, ag ihinig wanppa ii daamnanu oɗ medattem. Na heppe, uug naunab, danab ag laa guittak nau mauhnoak madatteb ele, am ag qaɗelagppa nekkunu unuqidttem.

Sam 15:2

Amuam laa ag Kayaknu neekkakppa ag oolagppa kaliak laa iitta ele daan oitteb, ag kobol genab tutukku ele hetteb, ag nai genabib, oolag aɗit ele iittappa maditteb,

Sam 25:21

Am da na amen mein daattem amunu, dabmak oiyak ele tutukkuib dim lamittak kobol, am genab tutukku hak kobol ele, aa hepeɗ, da ena daakkulnu oɗ medattem.

Sam 26:1

O Yawe, da nahipnu oolppa genabnab doye, nahip neekkakppa da oolppa kaliak laa ii dayeye oimi amunu, na heppe, tutukku hak dahil am miag atiak daakkunu oɗ medattem.

Prowerb 10:29

Yawenu ib am genab tutukku hak danab dilag padal mak eɗitta ena dayaknu aben daatte; amge eheɗ hak danab ag ib amuppa nauhtteb.

Prowerb 11:20

Yawe Nug danab ag eheɗ haknu ag tiilagppa daatte amu, Nug ahilagnu ena iinab dootte; amge Nug aun aɗi ag nuhig neekkakppa ag danab oolagppa kaliak laa iitta ele, Nug ahilagnu enanagnab dootte.

Prowerb 11:3

Genab tutukku hak danab ag oolagppa dabmak oiyak ele tutukkuib dayaknu kobol dootteb, ag amuppa ulum aon oitteb; amge danab ag Yawe ippuanattom bia Nug dim lamidkkulagnu uun hetteb amu, ag hambuppuak hena, padal metteb.

Prowerb 21:12

Kayak, Nug am genab tutukku haknu diig, Nug aɗi keeke nau hak danab laulagppa bette amu, Nug dootte; amu Nug nau hak danab he nauhtteb.

Prowerb 5:22

Nau hak danabnu amu, nuhig eheɗ hak am pelem laa doɗ awom bia nug awom daatte. Ao, nuhig hipunin am danab muɗippa hippalak daatte, amubia nug hippalitte daatte.