Prowerb 13:3 - Nobonob Baibel

³ Aun laa nug aɗi attenu dabmetta auta aotte, nug am bau daakku; amge aun laa nug nai doyak iitta, diignu doyak tutukku iitta ele maditte amu, nug am nauhkku.

Prowerb 13:3 ပူးပေါင်းရင်းမြစ်များ

Sam 141:3

O Yawe, na da ehaniɗppe, na oot daatte biaib nai madikkulnu oɗ medattem. Am da bakkum daakkulnu daatte haenppa da nai madipanu ehaniɗppe, da ii madipanu unuqidttem.

Sam 34:13

na aɗi attem amu, na amunu pehettak dabmena, nai eheɗ aib mattime! Ao, nai hambuppuak laa aibnab aib mattime!

Sam 39:1

Am da dakka da dahilnu ami. “Da dahil oiyak dabmetten, oɗelppa da hipunin hepanu da nai mattiak dahil ele atognoin aute aokkul. Da aɗi nai akkul amu, haen nau hak danab ag taliliɗak daappeg, da dabmein aute awewe, nai akkul.”

Prowerb 10:14

Danab ag doyak dabmak ena ele, ag doyak ena tuɗidna aon, qagmetteb; amge danab ag Kayak dab-ii-mena ii dim lamidna oinna, nai maditteb, ag amu padal mekkulagnu aakku daatteb.

Prowerb 10:19

Nai huana mattiakppa amu, hipunin ele appa ana daatte; amge laa nug nai huana ii maditte, nug am doyak dabmak ena ele.

Prowerb 10:8

Laa ag doyak dabmak ena ele, ag Kayak aɗi haknu atte, ag aakku aon hetteb; amge laa nug Kayak dab-ii-maama ii dim lamitta oiyaya, nai hamu hamu mauhnoak maditte, nug na qa, padal mekku.

Prowerb 12:13

Eheɗ hak danab ag nai nau mattinna, pelemppa tetteb; amge genab tutukku hak danab ag anam iitta, ag uugppa ii notteb.

Prowerb 13:4

Danab bahi iittanab ele nug keeke aokkunu dabmak okkai aotte, me nug aɗitai laa ii aotte; amge danab nug yagbak doya uɗat hette, nug keeke oh oo hette ele, nug elele aotte.

Prowerb 14:3

Danab nug Kayak dab-ii-maama ii dim lamidtte ele, nug nai eheɗ maditte amunu, nug bu aotte; amge danab doyak dabmak ena ele nug nai enaib maditte amunu, nug bu ii aotte.

Prowerb 18:21

Na aɗi nai madittem, amuppa na meu aottem. Na amuppa bau daakkut, o mauhkkut. O iitta, laa nai amuppa bau daakku, o mauhkku; danab ag nai dabmettanna maditteb, ag amuppa nob ena aoglag.

Prowerb 18:7

Danab nug Kayak dab-ii-maama ii dim lamidtte ele nai atte amu, nai amu he, nug na qette. Ao, danab nug Kayak dab-ii-maama ii dim lamidtte ele nug nai atte, nai amu he, nug mauhaknu pelemppa tette.

Prowerb 20:19

Laa dimug nai maditte amu, nug nai ii mattimanu daatte ele aakku maditte; amunu danab aun nug nai ge iitta maditte ele, nuhignu awaidna daye!

Prowerb 21:23

Danab nug aɗi nai madittenu dabmetta auta aotte; nug uug naunab nuhigppa bemanu aakku hette.

Jems 1:26

Am danab laa nug, “Da amu Kayaknu danab ena, da hanhan genab Kayak binag mettem,” awa akkutai, amge nug oɗe ii atognotte dayeb amu, nug nukka oo buppuidtte amunu, Kayak binag mak nuhig am keeke hamu.

Ikki Danab 16:11

Nug anam a, Samson nob ma aum. “Am laa nug da hoh baunabppa ɠagattag qakkiɗeb amu, da laa oh eɗattak, ɠagattag ele iittanab daakkul,” awa aum.

Ikki Danab 16:17

Anam amunu, Samson nug nuhig lokkumak keeke oh aakku amegppa aum. Nug aum. “Da ikkil uɗug am ii otaɗak daye uɗiom. Amunu diig am, da anai ooppanu doi, haen amuppa uɗie, gemu ele anamib Kayaknu danab, Nasarait atteb, daattem. Laa nug da ikkil uɗug otaɗlo amu, dahil ɠagattag uuiɗa ukkeb, da laa oh eɗattak, ɠagattag iittanab ele daakkul,” awa aum.