Prowerb 13:2 - Nobonob Baibel

² Danab laa nug Kayak binag mak nai, ehanittak nai ena ele madittenu nob ena anidkku; amge danab ag Kayak ippunattom bia Nug dim lamidkkulagnu uun hetteb amu, laa guittak nau mauhnoak mettak kobol ag tiilagppa daatte.

Prowerb 13:2 ပူးပေါင်းရင်းမြစ်များ

Sam 140:11

Na heppe, danab ag laa onig nauhkkunu nai nau maditteb amu, ag ihinig wanppa ii daamnanu oɗ medattem. Na heppe, uug naunab, danab ag laa guittak nau mauhnoak madatteb ele, am ag qaɗelagppa nekkunu unuqidttem.

Sam 75:8

Aria, amu anaknu diig laa am, Yawe Nug danab ah dilag nai doya mala hettoɗiatta epeɗiatta elele madatte amu, amuam kap Nug eppegppa aɗatte bia. Amu kap amuppa wain ɠagattag, keeke laala ele kaboliak daatte. Anam amu, Nug wain gokkaɗa heeb, nau hak danab ah oh ag lakkulagoitte. Ag biɗa naunau oh am lakkulagoitte.

Prowerb 1:18

Hipunin danab ag aakku akka ahilkad pelem maadtteb. Ao, ag pelem maadtteb, ag amuppa nona mauhadkkulag.

Prowerb 1:31

Ag amu heppig amunu, ag ahilag oiyaknu meu heeg beum, am meu nau ninig ele amu, ag aakku lakkulag. Ao, ag keeke laala hekkulagnu lokkumakppa dabmena, maittak eheɗ aoppig amu, maittak amunu meu nau, ninig ele, ag lappeg, oolag didikku.

Prowerb 10:11

Genab tutukku hak danab ag oɗelagppa nai maditteb ele amu, nai amu danab laa ehanatte, ag bau daatteb; amge nau hak danab amu, laa guittak nau mauhnoak mettaknu nai ag oɗelagppa ambak daatte.

Prowerb 11:23

Genab tutukku hak danab ag aɗi kobolnu oolag hette, ag aɗi keekenu oolag hette amu, ahilag oo hak amu oh am diig enappaib bette, gogppa tak ele am enaib; amge nau hak danab ag aɗi kobolnu, aɗi keekenu ena bekkulagnu dabmak aɗan oitteb amu, dabmak amu oh am diig nauppa ba tette, gog takppa am oppoɗi bak daatte.

Prowerb 12:14

Danab laa nug Kayak binag mak nai, ehanittak nai ena ele madittenu nob ena ambak anidkku; ele amu, danab nug eppegppa uɗat haaha daya, nug keeke aotte.

Prowerb 18:20

Danab ag aɗi nai maditteb, amuppa ag nob aotteb. Ao, ag nai attem maditteb, amuppa ag nob aoglag.

Prowerb 18:21

Na aɗi nai madittem, amuppa na meu aottem. Na amuppa bau daakkut, o mauhkkut. O iitta, laa nai amuppa bau daakku, o mauhkku; danab ag nai dabmettanna maditteb, ag amuppa nob ena aoglag.

Prowerb 4:17

Laa amu, danab amu, ahilag ee am nau hak kobol aakku. Ao, danab amu, ahilag le lanak am laa guittak nau mauhnoak mettak aakku.

Hosea 10:13

Ag ahilag ban danab ag ahilag ɠagattagppa heppeg, ag ena daaglagnu dabmeppig. Ge, ag ahilkad ban danab ebqak okkai ele dilagppa ehanittak aoglagnu dabmeppig. Anam amunu, ag danab nug ee aeg nau eppa, meu eheɗ aotte, ag amubia daatteb. Ge, diig amunu ag nai hambuppuak, ag amunu genab doon, ag eheɗ aoppig daatteb.

Habakuk 2:17

Lebanon appa na laa guittak nau mauhnoak mettak kobol heme, amu diig amunu na nauhkkut. Ao, appa na doɗ ge iitta hamu hamu aqadme, amu diig amunu na baɗak eheɗ nau dookkut. Aɗinu? Na danab aqatte, ag tiilag ne, na wan, aab ele hatte nauheg, danab ah appa daappig ele padal meppig.

Habakuk 2:8

Ag amu hekkulagnu diig am, na ban hena, wanppan wan kuɗumnu danab ah dilag keeke aome amunu, wan amuppanu danab ah laa ii mauhppig amu, ag ban hena, nahip keeke eɗun aoglag. Na danab ah kuɗumnab aqe mauhatteg, na hee, ahilag wan, aab keeke ele nauhak daappig amunu, ⌊ag nahip-ppa anam hekkulag⌋.

Revelesen 16:6

Danab imu ag nahipad danab ah oppiaawak ele, amu propet nahipad ele tiilag aɗappig amunu, na tiig lakkulagnu mattame. Ag nob amu aoglagnu daappig, amu na heme, amuppa na elelenab heme,” awa aum.