Prowerb 11:5 - Nobonob Baibel

⁵ Kayaknu neekkakppa danab ooppa kaliak laa iitta ele amu, genab tutukku hak kobol nuhig he, nug ib enappa oitte; amge nau hak danab ag nau heeg, kobol amu he, ag nauhtteb.

Prowerb 11:5 ပူးပေါင်းရင်းမြစ်များ

2 Samuel 17:23

Ag anam mataɗppig, amge Ahitopel nug Apsalom nug nuhig ulum nai ii dim lamittom antta, nug donki nuhig gomeppa dayaknu keeke qakka, nug donki attan ta nug appag diigppa gokkunu ukkom. Nug ukka, nug laugppa Gilo appa teum. Nug ta, nuhig keeke oh babaitta mala, nug nugakka muɗi laa awa, baagppa qakke dayeye, nug beɗu aiha, nug mauhom. Nug anam he, ag nug gaɗa mamegnu boumak abenppa boumppig.

Job 18:7

Nau hak danab nug ena dayeye, beɗu gai-iitta mette. Yo, nuhig keeke laa hekkunu lokkumakppa dabmaama maittak eheɗ awak amu, maittak amu he, nug na qette.

Prowerb 1:18

Hipunin danab ag aakku akka ahilkad pelem maadtteb. Ao, ag pelem maadtteb, ag amuppa nona mauhadkkulag.

Prowerb 11:3

Genab tutukku hak danab ag oolagppa dabmak oiyak ele tutukkuib dayaknu kobol dootteb, ag amuppa ulum aon oitteb; amge danab ag Yawe ippuanattom bia Nug dim lamidkkulagnu uun hetteb amu, ag hambuppuak hena, padal metteb.

Prowerb 12:3

Danab nug nau hak haaha, nug ena, ɠagattag daakkunu elele iitta; amge genab tutukku hak danab nug am ad diɗi ena ele, ɠagattag daatte, amubia daatte.

Prowerb 13:6

Genab tutukku hak kobol, amuam danab ag Kayaknu neekkakppa danab ooppa kaliak laa iitta dilag guppiɗ daatte; amge nau hak kobol am hipunin danab heeg, ag padal metteb.

Prowerb 14:32

Haen uug naunab laa uɗitte amu, nau hak danab ag padal metteb; amge genab tutukku hak danab ag ahilag mauhak haenppa, Kayak Nug padal mak eɗitteb ena dayaknu aben bia ahilag daatte.

Prowerb 15:19

Danab bahi iittanab ele amu, nuhig bau dayaknu oiyak am, laa nug ib uud keeke qaun eleppa keldoak dayeye akkula gotte, amubia nug uug kuɗum anidtte; amge genab tutukku hak danab nug ib enanagppa gotte.

Prowerb 21:29

Nau hak danab ag oɗe dim lamidmananu, ag ahilag dabmak am ɠagattag eppak daatte; amge genab tutukku hak danab ag aɗi hetteb amu, ag dabmettan autna aotteb.

Prowerb 28:18

Laa nug Kayaknu neekkakppa danab ooppa kaliak laa iitta ele amu, Kayak he, nug padal ii mette; amge laa nug eheɗ haknu nug tiigppa daatte ele, nug pahanab na qekku.

Prowerb 3:6

Keeke oh na hekkutnu dabmettem amu, tatam Kayaknu dabmewona hekkut. Na anam heppe, Nug geha heeb, na ippun tutukku daakku.

Prowerb 5:22

Nau hak danabnu amu, nuhig eheɗ hak am pelem laa doɗ awom bia nug awom daatte. Ao, nuhig hipunin am danab muɗippa hippalak daatte, amubia nug hippalitte daatte.

Aisaia 26:7

Ib genab tutukku hak danab ah dim lamidtteb ele, ib amuam tak nak okkai, o tak nak naunau laa iitta. O Yawe, na haen oh kobol genab tutukkuib hettem amu, na genab tutukku hak danab ah dilag ib ena babaittette, tak nak laa ii dayeye, ag amuppa oitteb.

Hosea 5:5

Israel danab ah ag am beɗuppa tak kobol hetteb, amu kobol amuam naippa yaaladtte. Israel danab ah, ahilag wan onig laa Epraim, ag hipunin henan, taataɗ qedatteb, Juda danab ah, ag ele oh laippu taataɗ qedatteb.

Ikki Danab 20:41

Israel ban danab ag ele amu anidna, ag eɗun aon, banelag gona, Benyamin danab lamattegeg, Benyamin danab ag baɗak eheɗ nau dooppig. Aɗinu? Haen amuppa Benyamin dilag daup ag nauhkkulagnu daappig aakku dooppig.