Prowerb 10:9 - Nobonob Baibel

⁹ Danab nug dabmak oiyak nuhig ele am tutukkuib amu, nug ɠagattag daakku; amge laa nug oiyak nuhig kaliak ele amu, nug bu aokku.

Prowerb 10:9 ပူးပေါင်းရင်းမြစ်များ

Genesis 17:1

Aria dimppa, Abram nug maɗ 99 dayeye, Yawe Nug gumitta na, nug amegppa aum. “Da am Kayak Dakka Ɠagattag Oh Ele. Na dahil neekkakppa danab ooppa kaliak laa iitta ele oiye!

Job 8:20

Ig doottem, Kayak Nug danab nug nuhig neekkakppa danab ooppa kaliak laa iitta ele ii geɗidtte; Nug danab eheɗ hette ele ii ehanidtte.

Sam 23:4

Amu, O Yawe, da aben laa, appa gatatu nau ele daatte amu, da appa oikkul dayeb, na appa ele da ele daagnih amunu, da ii baɗapa. Nahip sipsip gumattaknu dudqak hokkat, nahip doɗ nau lamittaknu bu ele da oo maɗoɗ meɗattep.

Sam 25:21

Am da na amen mein daattem amunu, dabmak oiyak ele tutukkuib dim lamittak kobol, am genab tutukku hak kobol ele, aa hepeɗ, da ena daakkulnu oɗ medattem.

Sam 84:11

Aɗinu? Yawe Kayak Nug am ihinig amahlak, guppiɗ ele daatte. Nug ii helo bia me, Nug ehanittak kobol dim lamidttatta, Nug binag okkai ele megatte. Yawe Nug danab ah nuhikkud ag nuhig neekkakppa oolagppa kaliak laa iitta ele amu, Nug ag keeke ena ena oh madatte.

Prowerb 17:20

Danab nug eheɗ haknu nug tiigppa daatte, nug ena ii anidma. Ge, danab nug nai hambuppuak maditte, nug uug anidkku.

Prowerb 26:26

Nug heeb, danab ah ootot aqeb, ag nug kobol nau hekkunu maittak aotte amu, ag oolag ii maidkkutai; amge haen adekkuppa, nug nau hette am genab miag atieb, danab ah oh anidkkulag.

Prowerb 28:1

Nau hak danab ag auntai laa ii lamattegeg, haen amuppa ele ag baɗan, oolna gotteb; amge genab tutukku hak danab ag laion bau bia, ag ɠagattag daatteb.

Prowerb 28:18

Laa nug Kayaknu neekkakppa danab ooppa kaliak laa iitta ele amu, Kayak he, nug padal ii mette; amge laa nug eheɗ haknu nug tiigppa daatte ele, nug pahanab na qekku.

Prowerb 3:23

Na doyak dabmak ena ele, oo maittak awaknu ehah ele daut ii atieb, na dim lamatkkut dayeb amu, na oinna, na baɗak iittappa gokkut; na taataɗ ii qettamna.

Matyu 10:26

Amge ag amu dilag aib baɗappig. Keeke oh laa anidmanu tonak daatte am geha miag atikku. Ge, keeke oh lokkumak daatte ele, Kayak Nug heeb, danab ag anidkkulag.

1 Korint 4:5

Epeɗiak uɗat amu ig gemu ii gumattem amunu, haen gamag imuppa ig anam ii hemata. Ag Naɗi uɗikkunu haen ameg meig! Nug uɗia, keeke oh gatatuppa lokkumak daatteb amu heeb, amahlakppa miag atippeg, aria Nug ele heeb, danab ag diig aɗinu keeke laala heppig amu, danab oh dilag dabmak amu miag bekku. Haen amuppa geha Kayak Nug ig danab oh laib laib ihinig haknu nob tutukku megakku.

1 Timoti 5:25

Amubiaib kobol ena laala danab ah laa hetteb amu, geha iikku miag atiak betteb. Laa dilag amu paha miag atiak ii betteb, amge amu ele am haen oh lokkumak daaglagnu elele iitta.