Prowerb 10:3 - Nobonob Baibel

³ Yawe Nug he, danab genab tutukku hak kobol dim lamidtteb ele, ag enugppa ii daatteb; amge Nug he, nau hak danab ag aɗi keeke aoglagnu oo hak okkai dootteb ele amu, ag keeke amu ii aotteb.

Prowerb 10:3 ပူးပေါင်းရင်းမြစ်များ

Job 15:23

Nug mauhnoak atu laih laih oitte. Nug appa mauheb, kaub ag nug teppu lakkulagnu oitteb. Ao, nug gatatu nug tonakkunu daatte dootte.

Job 20:28

Ui oawa, nug laug mawa gokku. Ge, Kayak danab ah bu mattak deɗppa Nug heeb, le ui huana oawa heeb, nug laug ii daama.

Job 5:20

Enug haenppa Kayak Nug uug amunu qagaiettakppanu eɗua uhuqeb, na ii mauhmana. Ao, ban haenppa Nug heeb, laa qep elabppa ii duut oma.

Sam 10:14

⌊Amge,⌋ O Kayak, na hanhan laa nug layag guittak medatte, na amu anidttem amunu, na ag heppig amu, na anidna malame. ⌊Diig amunu amu,⌋ danab ah bodoettak ag nahipnu oolagppa genab dootteb. ⌊Amu diig amunu ele,⌋ na nid anilkad mamelkad mauhppig ele, na amu dilag aɗ itak daattem.

Sam 112:10

Nau hak danab ag nuhig ena hak amu anidna, ag oolag nauhkku. Ao, ag aelkad emalna daanna, iitta mekkulag. Dabmak ahilag oh geha iitta ma madakku.

Sam 33:19

Danab ah ag anam hetteb ele amu, Nug ag ehanatteb ii mauhmananu, Yo, eenu tutu mak haenppa, ag dabmattebeb, ag bau daaglagnu, Nug ag dabmadatte.

Sam 37:19

Uug naunab haenppa keeke nauhkkulag me, ag am bau elele daaglag. Ge, enug haen daakku me, ag am ee elele ele daaglag.

Sam 37:25

Anukka da nid bau daami, gemu da kaino memi, amge Yawe Nug genab tutukku hak danab laa uuitte, nukka hamu dayeye ii anidmi. Genab, da nid naunau ahilkad ag enug aqe, ag laa eenu unuqak uɗat heegeg ele ii anidmi.

Sam 37:3

Na Yawenu ootppa genab doonna, ena hee! Na wanppa daanna amu, na oo metta ii uuak kobol atognonana hee!

Prowerb 13:25

Genab tutukku hak danab ag ee laeg ukke, oolag diditte; amge nau hak danab ag am enug aqatte.

Prowerb 14:32

Haen uug naunab laa uɗitte amu, nau hak danab ag padal metteb; amge genab tutukku hak danab ag ahilag mauhak haenppa, Kayak Nug padal mak eɗitteb ena dayaknu aben bia ahilag daatte.

Prowerb 28:25

Baubau awaknu hik qak danab nug he, nug mehqak ahatte; amge aun nug Yawenu ooppa genab dootte, nug ena daakku.

Prowerb 28:9

Aun nug Kayaknu ɗo dim lamidkkunu uua hette amu; Kayak Nug nuhig unuqittaknu am ooppa uuaknab dootte.

Sepanaia 1:18

Deɗ Yawe Nug danab ah bu madakku amu, deɗ amuppa ahilag silwa, o gol am nakok laa ii ehanadma. Yawe Nug danab ah nuhikkudnu, dahil doya laa aomanu doyak aɗa daatte, amge ag nuhikkudib daaglagnu ii heegeg, nug oo huana nauhtte. Oo nauhak amuam aab ewak laa huan ewawa, keeke oh he nauhtte, amubia daatte. Nuhig oo nauhak amuam heeb, wan oh nauhkku. Aɗinu? Danab ah oh ag wanppa daatteb, Nug heeb, ag padal mena autna aoglag.

Luk 12:31

Amge ag Kayaknu ɗo maɗoɗnu anuqak dooppeg, geha Nug keeke amu oh ele ag madakku.