Prowerb 10:1 - Nobonob Baibel

¹ Oiyak ehanittaknu nai tutu Solomonnu ⌊laa⌋ am inam: Bekka laa doyak dabmak ena ele nug mameg oo gamag ahak medatte; amge bekka laa dabmak tutukku iittappa keeke laa hette ele, nug anig oo uug medatte.

Prowerb 10:1 ပူးပေါင်းရင်းမြစ်များ

1 King 4:32

Haen amuppa Solomon nug oiyak ehanittaknu nai tutu 3,000 anam yowa, ahi 1,005 ele yom.

Prowerb 1:1

Oiyak ehanittaknu nai tutu, Dawit bekka Solomon, Israel dilag king, nug yom am iikku.

Prowerb 13:1

Bekka nug doyak dabmak ena ele, nug ippunittak nai mameg toppanu awa dim lamidtte; amge awa awa qettak nid nug daug batak awaknu dab-ii-mette.

Prowerb 15:20

Danab bekka doyak dabmak ena ele nug he, mameg oo gamag ahak dootte; amge nid nug dabmak tutukku iittappa oitte ele, nug am laa anignu ena iinab dootte, nug amubia hette.

Prowerb 17:21

Am danab laa bekka nug Kayak dab-ii-maama ii dim lamidtte dayeb amu, nug mameg am guittak dookku; aun nug nid Kayak dab-ii-maama ii dim lamidtte mameg daatte amu, nug maɗoɗppan gamag ahak nakok laa iitta.

Prowerb 17:25

Bekka laa nug Kayak dab-ii-maama ii dim lamidtte ele nug mameg guittak medatte; nug anig ooppa mua okkainab, kahipan aoɗom bia ele he bette.

Prowerb 19:13

Danab bekka laa nug Kayak dab-ii-maama ii dim lamidtte amu, nug mameg he nauhtte; amu danab wau nug nai awa ona awa doak maditte, nug am le giɗo ii daaloppa toɗotoɗoedatte bia hette.

Prowerb 25:1

Danab dilag oiyak ehanittaknu nai tutu laala ele Solomon yom amu, Juda dilag king Hesekaia, nuhig danab ag aon yaappig amu, nai amuam inam.

Prowerb 27:11

O bekkal, na doyak dabmak ena ele aɗan oikkut, amuppa na heppe, da ool gamag ahakku; na doyak dabmak ena ele aɗappe amu, da aun nug dahilnu, “Keeke hamunab,” dookku amu, da nuhig nai nob mekkulnu elele daakkul.

Prowerb 29:15

Tolittak, bu mettak ele he, nid nug doyak dabmak ena ele daatte; amge nid nug tolittak, bu mettak ele ii aotte amu, nug he, anig nug uɗa nak nau guittak ele aotte.

Prowerb 29:17

Na bekkat tolidna, bu medakkut amu, na oot maɗoɗ ele daakkut; nug heeb, na nuhignu enanagnab dookkut.

Prowerb 29:3

Danab nug doyak dabmak ena elenu oo mauhtte amu, nug mameg oo gamag ahak medatte; amge laa nug ib baag ah ele oitteb, nug nuhig en kakidtte.

Eklisiastis 12:9

Ippunittak danab nug nai imu yom amu, nug am doyak dabmak okkai ele, amge nug nukka amu aɗa, nugib ehanidkkunu ii heum. Iitta. Nug doyak amu danab ah dooglagnu ele ippuanattom. Nug dabmak okkainab awawa, nug oiyak ehanittaknu nai tutu elenu meu pehettak anidkkunu haaha, nug awa babaitta, listappa pehettak yom.

Eklisiastis 2:19

Keeke oh da doyak dabmak ena ele dim lamitten bappaidkkulnu uɗat huan heine daami amu, keeke amu oh danab laa da abenal awa daakku ele, nug eppegppa daakku. Nug am danab doyak dabmak ena ele, o iitta, nug danab Kayak dab-ii-maama ii dim lamidtte ele, da ii doottem, amge keeke amu oh nug eppegppa aakku daakku. Kobol amu ele am gaɗappa, unuqagppa ele anttak laippu iitta.